Осум возачи приведени за безобѕирно управување, шестмина возеле без возачка дозвола

Осум возачи биле лишени од слобода во текот на изминатото деноноќие на различни локации во државата поради сомнение за сторено кривично дело „безобѕирно управување со возило“, информира Министерството за внатрешни работи.

— реклама —

Шестмина од нив управувале возило без положен возачки испит. Станува збор за С.С. (32) и Б.Р. (27) од Скопје, Ш.К. (23) од селото Арачиново, З.И. (19) и 17-годишник од селото Студеничани, како и уште еден 17-годишник од Прилеп.

— реклама —

— реклама —

Покрај нив, В.Б. (27) од селото Врапчиште, гостиварско, бил приведен бидејќи управувал возило со брзина поголема од дозволената, додека Б.Ј. (70) од Скопје возел под дејство на алкохол.

Од МВР информираат дека по целосното документирање на случаите ќе бидат поднесени соодветни пријави.