Осум возачи уапсени: возеле без дозвола, пијани или со забрана

Осум возачи биле лишени од слобода во текот на изминатото деноноќие на различни локации во Македонија поради сомнение за сторено кривично дело „безобѕирно управување со моторно возило“, согласно член 297-а од Кривичниот законик, соопшти Министерството за внатрешни работи.

— реклама —

Четворица од нив управувале возило без положен возачки испит: В.П. (45) од Скопје, Н.Е. (56) од селото Морани, скопско, А.А. (35) од селото Студеничани, скопско, и Т.Б. (20) од Турција, со престој во Тетово.

— реклама —

— реклама —

Двајца возачи, Г.Н. (35) од Пробиштип и Х.Ј. (30) од Битола, управувале возило под дејство на алкохол, додека Н.А. (22) од Скопје и Д.Б. (40) од Штип возеле и покрај активната забрана за управување. Притоа, Д.Б. го управувал возилото и во спротивна насока.

— реклама —

По целосното документирање на случаите, против возачите ќе бидат поднесени соодветни кривични пријави.