Осумгодишно дете од гостиварското село Дебреше е повредено откако со детски мотор удрило во паркирана тракторска приколка.
Од МВР информираат дека на 3 септември во 16:40 часот во ОВР Гостивар било пријавено од Ургентниот центар во Гостивар дека кај нив било донесено повредено осумгодишно дете.
Според пријавеното, детето управувало детски мотор во дворот од семејната куќа, при што удрило во паркирана тракторска приколка.
Поради сериозноста на повредите, детето било префрлено во Комплексот клиники „Мајка Тереза“ во Скопје за понатамошно лекување.
За случајот е известен јавен обвинител, а увидна екипа од ОВР Гостивар извршила увид на местото на настанот.
