Екипи на ЕВН Македонија откриле нелегално приклучување на електричната мрежа во тетовското село Мала Речица, при што незаконски преземената електрична енергија била користена за напојување на угостителски објект и кат од куќа.
Од Министерството за внатрешни работи информираат дека на 5 август во 12:00 часот во СВР Тетово, од ЕВН Македонија било пријавено дека на бандера со мерно броило, сопственост на Ф.С., а користено од Е.С. (52) од село Мала Речица, било констатирано нелегално приклучување.
Според пријавата, пред електричното броило било извршено премостување со бакарен кабел, преку кое нелегално се преземала електрична енергија за снабдување на угостителски објект и кат од куќа.
Овластени лица од ЕВН го отстраниле нелегалниот приклучок, додека увидна екипа од СВР Тетово, во содејство со екипа на ЕВН Македонија, извршила увид на местото.
По целосното документирање на случајот ќе следува соодветен поднесок.
