Отворени шалтерите на „АЛТА банка“ во Тетово и Струмица, неделниот лимит зголемен на 15.000 денари

Шалтерите на „АЛТА банка“ АД Битола од денеска се отворени и во Тетово и Струмица, покрај експозитурата во Битола, која работи од 6 ноември. Граѓаните кои немаат платежни картички на овие шалтери можат да подигнат до 20.000 денари.

— реклама —

Според информациите, исплатата на средствата во трите града се одвива непречено и според утврдениот распоред. Во Струмица на почетокот на работниот ден имало кратко доцнење поради логистичка организација, но исплатата продолжила според предвидената динамика.

— реклама —

Исплатите ќе продолжат и во наредните денови, со цел клиентите да имаат пристап до своите средства.

— реклама —

Дополнително, од оваа недела се зголемува неделниот лимит за подигнување готовина и плаќања со платежните картички на Банката од 10.000 на 15.000 денари.

— реклама —

Од Народната банка информираат дека континуирано ја следат состојбата и ги приспособуваат мерките согласно развојот на настаните, при што приоритет останува непреченото опслужување на граѓаните и заштитата на интересите на клиентите.