Македонските ученици се најдоа на 67-то место во рангот од 79 земји на меѓународнотo тестирање ПИСА за постигнувањата на ученици на 15-годишна возраст по јазична писменост, математика и природни науки. Тоа е за неколку места погоре за разлика од тестирањето во 2015 година, кога бевме на 4. место одназад. Но, македонските ученици повторно се далеку под просекот според постигнувањата во сите категории. Прва на листата е Кина.
Од земјите во регионот најдобро рангирана е Словенија, на 21 место, Хрватска, 29-та, Грција на 42-то место, додека 44-та е Србија. Полош резултат од Македонија на ранг листата на ПИСА тестот од земјите од регионот е само Косово. Највисоко рангирани и оваа година се азиските земји. Најдобро оценетите средношколци се во Кина, Сингапур и во Макао.
фото: Архива
