Пратеникот и поранешен министер за внатрешни работи Павле Трајанов вели дека воената операција на Русија во Украина е брутален напад на суверенитетот и територијалниот интегритет на Украина и кршење на меѓународното право.
Во изјава за Фокус, тој вели дека воената интервенција ќе трае се додека Украина дава отпор, при што, според него, ќе се нанесат огромни штети на инфраструктурата и производствените капацитети, а ќе има многу жртви и бегалци.
„Овој конфликт е премногу близу до нас, затоа треба да водиме сметка за нашите дологорочни, стратешки и витални интереси“, вели тој.
Додава дека државата треба да се подготви и соочи со можните последици.
