Охрид без долгови и со нови проекти – изградени училиште и спортска сала, започната постапка за катна гаража и пречистителна станица, вели ВМРО-ДПМНЕ

Од општина заглавена во милионски долгови со блокирана сметка, Охрид за четири години прерасна во град на развој и просперитет, тврдат од ВМРО-ДПМНЕ.

— реклама —

Со наследен долг од 14,5 милиони евра, локалната власт предводена од оваа партија, според нивните податоци, целосно ја раздолжила општината. Ова, како што велат, овозможило реализација и започнување на низа инфраструктурни проекти кои го менуваат ликот на градот.

— реклама —

По повеќегодишни ветувања, во Охрид конечно е започната постапка за изградба на катна гаража која треба да го намали сообраќајниот метеж. За првпат по половина век е изградено ново училиште со современи услови за учениците, а во Лескоец е пуштена во употреба нова спортска сала.

— реклама —

Инвестиции се насочени и кон заштитата на животната средина. Во Трпејца е подготвен проект за изградба на пречистителна станица со примарна и секундарна канализациска мрежа, а отпадната вода преку пумпа ќе се носи до станицата и ќе се испушта како техничка вода од прва класа во езерото. Слична станица е планирана и за Љубаништа, со што речиси целото крајбрежје ќе биде покриено.

— реклама —

Од ВМРО-ДПМНЕ нагласуваат дека во изминатите четири години се инвестирало во сите области на општествениот живот и дека секое населено место во општината добило подеднакво внимание.