Охрид добива нови авиолинии: директни летови до Братислава и Милано

Од денеска граѓаните ќе можат директно да летаат од охридскиот аеродром „Св. Апостол Павле“ до Братислава, а од 29 март ќе биде воспоставена и нова линија до Милано. Ова го соопшти вицепремиерот и министер за транспорт Александар Николоски преку објава на социјалните мрежи.

— реклама —

— реклама —

Тој нагласи дека развојот на авиосообраќајот е еден од врвните приоритети на Владата и Министерството за транспорт, при што преку конкретни политики и мерки се работи на унапредување на цивилниот авиосообраќај и проширување на мрежата на дестинации.

— реклама —

„Остануваме силно посветени на унапредување на авиосообраќајот, со цел развој и подобро поврзување на Македонија со големите европски центри“, посочи вицепремиерот.