Јавното претпријатие „Охридски комуналец“ информира дека градскиот парк е збогатен со нови хортикултурни содржини во пресрет на големиот христијански празник Велигден, како резултат на креативни идеи на вработените од секторот „Паркови и зеленило“.
Вработените изработиле декоративни саксии од стари дрвени буриња, во кои се засадени пролетни цвеќиња од видот кампанула и декоративна црвена фотинија, дополнети со бел декоративен камен.
Од претпријатието истакнуваат дека ваквата комбинација од живописни бои има за цел да придонесе за поубав визуелен изглед на градскиот парк и да остави впечаток кај секој посетител.
