„Охридски комуналец“ со потсетување: Во четврток се подига селектираниот отпад од шест улици

ЈП „Охридски комуналец“ ги потсети своите корисници на услуги дека, согласно измените во Календарот за 2026 година за подигнување на селектиран отпад, на 4 јуни 2026 година (четврток) ќе се врши собирање на пластика, хартија и картон од кантите за селекција на повеќе локации во градот.

— реклама —

Акцијата ќе ги опфати домаќинствата и корисниците од улиците „Железничка“, „Прилепска“, „Винковачка“, „Будва“, „Крали Марко“ и „8-ми Март“, каде што ќе се подига отпадот од жолтите садови наменети за пластика и од сините садови предвидени за хартија и картон.

— реклама —

Од јавното претпријатие апелираат граѓаните да го почитуваат календарот за подигнување на селектираниот отпад и правилно да ги користат кантите за селекција, односно во жолтите канти да одлагаат исклучиво пластика, а во сините само хартија и картон.

— реклама —

Воедно, граѓаните се охрабруваат да го користат зелениот телефон за пријавување на евентуални неправилности или доколку имаат прашања поврзани со услугите на претпријатието.

— реклама —

„Нашата иднина зависи од секој еден од нас. Селектирај правилно“, порачуваат од ЈП „Охридски комуналец“, повикувајќи на поголема еколошка свест и активно учество во процесот на рециклирање.