Охридски комуналец со засилени активности за одржување на зеленилото

Јавното претпријатие „Охридски комуналец“ информира дека секторот „Паркови и зеленило“ во пролетниот период секојдневно ги спроведува своите редовни работни активности со засилен интензитет.

— реклама —

Во тек е сезонско одржување на зелениот појас покрај магистралниот пат на потегот од Билјанини Извори до Свети Стефан, со цел уредување и зачувување на зеленилото долж оваа фреквентна сообраќајница.

— реклама —

— реклама —

Паралелно со тоа, се интензивираат активностите за машинско косење на тревните површини на повеќе локации во градот, меѓу кои градскиот парк, улицата „АСНОМ“ и кружните сообраќајници на улицата „Јане Сандански“.

— реклама —

Од претпријатието посочуваат дека тековно се одржуваат и останатите хортикултурно уредени парковски содржини, при што се изведуваат активности за кроење, садење, наводнување и плевење, со цел одржување на уредена и функционална зелена средина.