Екипите на ЈП „Охридски Комуналец“ спроведоа засилени активности за одржување на јавната чистота пред и по свеченото отворање на 66. издание на фестивалот „Охридско лето“.
Од јавното претпријатие информираат дека темелно бил исчистен просторот околу сцената на Античкиот театар, каде традиционално се одржува свеченото отворање на фестивалот.
Во текот на целата фестивалска програма, екипите ќе бидат присутни и на останатите локации каде ќе се реализираат уметничките настани, со цел да се обезбеди континуирано одржување на јавната чистота.
Од „Охридски Комуналец“ посочуваат дека и понатаму ќе ги поддржуваат манифестациите кои придонесуваат за промоција на туризмот, културата и традицијата на Охрид.
