АЛ ПАЧИНО

Ал Пачино номиниран за најлош актер поради овој филм: „Беше катастрофа“

Ал Пачино во својата автобиографија „Сони Бој“ отворено зборува за тоа дека некои филмови од неговата долга и успешна кариера завршиле како целосен неуспех.Како што истакнува, овие проекти не ги прифатил поради финансиски причини, туку затоа што во тој момент верувал во нив. За разлика од улогите што актерите понекогаш ги избираат исклучиво за хонорар, Ал Пачино тврди дека во тој период од кариерата одлуките ги носел воден од убедување дека приказните и идеите се квалитетни и имаат потенцијал да бидат успешни.Најдрастичен пример за промашување е трилерот „88 минути“, кој тој без околкувања го опишува како „целосна катастрофа“. Во книгата наведува дека по успехот на филмот „Океанови тринаесет“, следел проект кој се покажал како голема грешка. Во тоа остварување Пачино глумел форензички психолог чии живот е во опасност, но филмот не бил добро примен ниту од публиката, ниту од критиката.Во истиот период снимил и филмот „Праведно убиство“, во кој глумел заедно со Роберт Де Ниро, а кој исто така не ги исполнил очекувањата. Поради овие улоги, Пачино дури бил номиниран за наградата Рази за најлош актер, додека критичарите и двата филма ги оцениле исклучително негативно.Славниот актер зборува дека парите немале никаква улога во неговата одлука да прифати овие проекти. Како што пишува, тогаш сметал дека е финансиски обезбеден и дека може да си дозволи да избира улоги исклучиво врз основа на личен чувство и вера во сценариото.На крај признава дека погрешно го проценил потенцијалот на овие филмови, но додава дека овие искуства му послужиле како важна лекција, иако денес на нив се навраќа со одредена нелагодност.

Магазин | пред 3 дена

Ал Пачино откри кој актер може да го замени

Ал Пачино за странските медиуми зборуваше за тоа кој млад актер го гледа како адекватна замена за улогата на детективот Винсент Хана, која ја толкуваше во филмот „Жештина“.Ако требаше да се снима продолжението на „Врелина“, Ал Пачино нема да се двоуми кој ја заслужува улогата на Винсент Хана."Тимоти Шаламе. Тој е одличен актер", рекол Ал Пачино, пренесуваат странските медиуми.Да потсетиме, Мајкл Ман го базираше сценариото за филмот „Жештина“ на вистинската приказна за криминалецот Нил Мекаули (Де Ниро), кој беше убиен од неговиот пријател, детективот Чарли Адамсон во 1963 година.Режисерот Мајкл Ман ги опиша главните ликови на филмот „Жештина“ како две личности кои и покрај тоа што се на спротивната страна на законот, меѓусебно се почитуваат и се восхитуваат за нивната посветеност на она што го направиле на најдобар можен начин.Тој најави и дека наскоро на јавноста ќе и ја претстави книгата, која ќе биде и продолжение на „Врелина“, но не вети дека ќе ја екранизира.

Магазин | пред 3 години