андријана јаневска

Нема фотографија

(ВИДЕО) Андријана Јаневска и Игор Џамбазов ја преработија „Ми заплакало селото Ваташа“

„Ми заплакало селото Ваташа“ е македонска песна оригинално напишана и музицирана во 1960те години. Текстописец на песната е Лазар Манчевски-Пинџур кој својата инспирација ја црпел од маскрот во Ваташа кој се случил за време на Втората светска војна. Песната била испеана од неколку македонски пејачи, а оригиналот е изведен од Никола Бадев во 1975 година.Проектот „Македонијо во срце те носиме“ има токму за цел да ги возобнови овие македонските патриотски песни, па така денес тие го објавуваат видео записот за песната „Ми заплакало селото Ваташа“ во изведба на Андријана Јаневска и Игор Џамбазов. По нивниот маестрален настап на „Златна Буба Мара на Популарноста“ денес уживајте во видеото за истата.

Магазин | пред 2 години

(ВИДЕО) Најемотивниот дел од „Златна Бубамара“, песна испеана од мака:„Убија дете...“

Синоќа се емитуваше овогодинешното издание на Златна бубамара на популарноста. Низа награди, многу настапи, шеги, смеа…Еден настап ја расплака македонската публика. Бура од емоции предизвика пеењето на Андријана Јаневска и рецитирањето на Игор Џамбазов.Еден од најдобрите македонски вокали ја запеа „Ми заплакало селото Ваташа“, а актерот и шоумен ја рецитираше „Цветови“ од Славко Јаневски.В Тиквешко негде, в некое село,кај в слана тивко венеше цвете,– убија дете.Нивниот моќен настап погледнете го во продолжение, во видеото после седмата минута.

Магазин | пред 2 години

Андријана Јаневска: Добив шаховско слепило, противникот ме фати на кондиција

Андријана Јаневска повеќе од 20 години е на музичката сцена. Кога првпат настапи на Скопскиот фестивал во '98 не ни мислела дека толку долго ќе се занимава со пеење. Денес зад неа се настапи, песни, манифестации. Таа е професорка по виолина, ама ретко кој знае дека последнава години е и моторџика. Вози Хонда Сузуки. Иако на сопругот Гино, а и на татко ѝ не им се допаднала идеја, Јаневска денес вози мотор.„Не знам ни јас како се решив. Кумот наш вози мотор, па еден ден дојде, свртевме еден круг и сфатив дека тоа е тоа. Кога одев на часовите за да полагам за мотор, во еден момент си реков, што ми е мене, ама ете адреналинот си го направи своето“, открива Јаневска и додаде: „Но, јас многу внимавам и возам со 16 очи отворени“.Не е тајна дека е љубител на формула 1. „Од мала барав татко ми да ми дава да возам, затоа денес со страст гледам формула“, открива Андријана за „Репортер“.Освен возењето, голема страст ѝ е риболовот, а до скоро учествуваше на шаховски натпревари.„Шах престанав да играм затоа што многу се нервирам. После една партија на Првенството во Струга кога скоро 4 саати игравме со еден постар господин, добив шаховско слепило и ја предадов партијата. Противникот ме фати на кондиција. Инаку љубовта кон шахот ми е од дедо ми со кого играв уште како мала“, вели Андријана.Мајка на два сина и 13 години е во брак со музичарот Димитар. Вели: „Се вљубив во него оти стално ме засмејуваше, а така е и денес. Тој е 15 години постар од мене, ама тоа никогаш не ни ги менува работите“.Најмногу од сè ја погоди смртта на нејзината мајка, за која вели: „Не бевме ни свесни, таа почина ненадејно. Болката си ја носам во себе. Ми фали таа нејзина одлучност. Јас секогаш се колебам за работите, а таа ќе ми помогнеше да решам. Секогаш ми беше ветер во грбот“, вели Андријана.Низ муабетот дознавме многу работи за неа. Едната од нив е дека живее со свекрвата, со која оди задно и на одмор и дека одлично функционираат. „Види, сите ми се чудат како одам на одмор, а јас немам проблем. Кај нас дома секој си ги знае обврските. Јас го средувам дворот, Гино коси трева, свекрва ми готви ручек“, искрена е Андријана.Од почетоците на музиката до денес, за бракот и семејството, за загубата на мајка си, моторот како страст, шахот како пасија и уште еден куп муабети, гледајте го интервјуто.

Магазин | пред 3 години