„Ќе продавам оружје и на Северна Кореја ако така каже Америка“, вели основачот на Андурил
Компанијата Андурил Индустрис, основана од Палмер Лаки, се наоѓа пред нова инвестициска рунда која би можела да ја удвои нејзината вредност на неверојатни 60 милијарди долари.Андурил повеќе не е само „уште еден амбициозен стартап“ од Калифорнија. Според најновите извештаи, овој гигант во подем, кој се занимава со развој на автономни одбранбени системи, ги привршува преговорите за финансирање што ќе го постават рамо до рамо со најголемите играчи во индустријата за вооружување.Палмер Лаки, познат во јавноста како човекот што ја продаде Oculus VR на компанијата Мета (тогашен Фејсбук) за две милијарди долари, од 2017 година е фокусиран на сосема поинаков вид технологија. Андурил се специјализира за вештачка интелигенција применета на бојното поле, развивајќи системи како борбениот дрон Fury и автономната подморница Ghost Shark, за која Австралија веќе потпиша договор вреден 1,1 милијарда долари.Успехот на Андурил лежи во т.н. „итеративен модел“ на развој – додека традиционалните воени изведувачи со години трошат милијарди на прототипови, Андурил функционира како софтверска компанија: тестира, греши, поправа и објавува ажурирања со брзина на која Пентагон не е навикнат.Лаки, кој е познат по своите провокативни ставови, јасно стави до знаење дека Андурил е продолжена рака на американската надворешна политика. На прашањето за моралните граници при продажбата на смртоносна технологија, тој вели:„Никогаш нема да ветам дека ќе направам нешто што САД не би го направиле. Ако државата ме замоли да продадам оружје на Северна Кореја – одговорот е да. Нема да одам во затвор за да му продадам на некого резервни делови, но нема ни да глумам независен арбитер на светската правда“, изјави Лаки во едно од неодамнешните интервјуа.Лаки, и покрај тоа што е под санкции од Пекинг поради соработката со Тајван, отворено ја пофалува кинеската ефикасност во производството. Тој предупредува дека Америка ризикува да ја изгуби трката затоа што се фокусира на „исклучителни, прескапи платформи“ (како авионот F-35), додека Кина создава масовни, лесно поправливи системи.Токму затоа, Андурил во Охајо гради „Arsenal-1“, гигантска фабрика од речиси половина милион квадратни метри, чија цел е да произведува дронови и автономно оружје на индустриско ниво, слично како што Америка работела за време на Втората светска војна.
Свет | пред 2 седмици
