Полицијата во град во Арканзас без право да запира возачи до 2030 година
Малиот град Паркин во американската сојузна држава Арканзас остана без овластување неговата локална полиција да врши контроли и да запира возачи на државните и федералните патишта, по завршената истрага за прекумерно изрекување сообраќајни казни. Обвинителството утврдило дека локалните полициски служби повеќе биле насочени кон зголемување на градскиот буџет преку наплата на глоби отколку кон унапредување на безбедноста во сообраќајот.Во текот на 2024 година, градот остварил приход од речиси 285.000 долари од сообраќајни казни и придружни трошоци, што предизвикало сомнежи за можни злоупотреби на службените овластувања. Истрагата била покрената по бројни поплаки од возачи кои тврделе дека Паркин станал познат како „замка за возачи“.Обвинителот Тод Мареј соопштил дека полицијата нема да смее да спроведува контроли на возачи на државните и федералните патишта што минуваат низ градот сè до крајот на 2030 година. Полициските службеници што би ја прекршиле оваа забрана би можеле да се соочат со прекршочни постапки за секоја поединечно изречена казна.Контролата на сообраќајот на ова подрачје е пренесена на државната полиција на Арканзас и канцеларијата на окружниот шериф, со цел да се обезбеди поинаков пристап кон спроведувањето на сообраќајните прописи.
Свет | пред 6 часа