БИК

Маж загина откако бил нападнат од бик на фарма во Србија

Маж вработен на фарма за крави во Горњи Таванкут, во близина на Суботица, загинал откако бил нападнат од бик, потврди полицијата во Суботица за српскиот портал Н1.Трагичниот настан се случил во текот на утринските часови, кога бикот нападнал работник на фармата. На местото веднаш биле повикани полициски екипи и итна медицинска помош, но лекарите можеле само да ја констатираат смртта.Според информациите на Н1, починатиот бил долгогодишен земјоделски работник на фармата каде што се случила несреќата.Полицијата извршила увид на местото на настанот, а случајот го презело Основното јавно обвинителство во Суботица, кое ќе ги утврдува сите околности под кои дошло до трагедијата, јавуваат српските медиуми.

Балкан | пред 3 часа

(Фото) Бик продаден за 143.000 евра

Бик под името Granite Ridge Velocity V42 е продаден за дури 235.000 австралиски долари (околу 143.000 евра), со што станува еден од најскапите Ангус бикови некогаш продадени во таа австралиска сојузна држава.Според зборовите на купувачот, бикот ги убедил со многу цврста градба, изразени телесни карактеристики и мирен темперамент. Важна улога во одлуката за купување имале и квалитетот на крзното и кожата, како и многу добрите генетски показатели.Во сточарството, врвните репродуктивни бикови се сметаат за долгорочна инвестиција. Еден бик може во текот на повеќе години значително да влијае на генетиката на целото стадо, било преку природно парење или користење на семе во вештачко оплодување.Стручњаците од сточарската индустрија нагласуваат дека ваквата висока цена ја потврдува трајно силната побарувачка за квалитетна Ангус генетика.Ангус расата веќе со години ужива голема популарност во светското сточарство, пред сè поради квалитетното месо, добрата конверзија на храна и прилагодливоста на различни производствени услови.Токму поради овие својства, врвните репродуктивни примероци често достигнуваат многу високи цени на аукции ширум светот, пренесува Capital.

Свет | пред 2 месеци

(Видео) Бик насред улица разби автомобил – необична сцена е снимена во Шпанија

Необична сцена е забележана во Шпанија, за време на традиционална церемонија – бик насред улица нападна паркиран автомобил и го уништи. Снимката објавена на социјалната мрежа Reddit јасно прикажува како животното го „одбрало“ својот мета, паркиран Peugeot 208.Иако станува збор за возило тешко повеќе од еден тон, бикот упорно удирал во него сè додека не успеал да предизвика сериозни оштетувања.Церемонијата се одржува со децении, а човечки жртви се ретки. Сепак, уште поретко мета на бесот на биковите стануваат автомобили. Настанот повторно потсетува на едноставната вистина – природата треба да се остави на мир.

Магазин | пред 8 месеци