Јани Бојаџи нема да го снима филмот „Татко“: „Нема да бидеме параван за северџански и комуњарски игри“
Режисерот Јани Бојаџи јавно ја поддржа одлуката на продукцијата „Револушн Продакшн“ да се откаже од реализацијата на долгометражниот игран филм „ТАТКО“, проект на кој, како што наведува, работеле во изминатите четири години.Бојаџи порача дека нема да дозволи тој и неговите соработници да бидат понижени и обесправени, обвинувајќи ги Министерството за култура и Агенцијата за филм дека ги користат имињата на филмските автори за свои цели.„Ја поддржувам во целост одлуката на Дејан како продуцент. Нема да дозволиме да бидеме понижени и обесправени. Нема да бидеме параван зад кој, со нашите имиња на вистински уметници и филмски автори, Министерството за култура и Агенцијата за филм ќе ги играат нивните комуњарски и северџански игри“, напиша Бојаџи.Тој им се заблагодари на сите соработници кои учествувале во развојот на филмот, кој, според него, бил инспириран и посветен на „Мајката земја“, додавајќи дека борбата продолжува.Претходно, од „Револушн Продакшн“ соопштија дека се откажуваат од реализацијата на филмот „ТАТКО“ и од доделените средства за проектот.Во соопштението, продуцентот Дејан Милошевски наведува дека одлуката е донесена по внимателна анализа на условите во кои требало да се реализира филмот, оценувајќи дека уметниците се ставени во понижувачка и недостојна позиција.„Одбиваме да бидеме дел од оваа перфидна игра на Министерството за култура и Агенцијата за филм, која нас како уметници не става во понижувачка и недостојна позиција и очекува да бидеме параван за лукративните и антифилмски цели на оваа филмска администрација“, се наведува во соопштението.Од продукцијата им се заблагодарија на сите актери, соработници и поддржувачи кои верувале во проектот.
Македонија | пред 4 часа