(Видео) По две и пол години отворен булеварот Тиват–Будва, во сообраќај пуштени сите четири ленти
По две и пол години интензивна реконструкција, најфреквентната сообраќајница на црногорското приморје доби целосен профил на делницата долга 16,5 километри.Сите четири сообраќајни ленти на булеварот меѓу Тиват и плажата Јаз се пуштени во употреба, со што е исполнето ветувањето на надлежните институции најважниот дел од проектот да биде завршен до почетокот на јуни, непосредно пред стартот на главната летна туристичка сезона во Црна Гора.Иако асфалтирањето на сите четири ленти е завршено и сообраќајот е нормализиран, работите на терен сè уште продолжуваат. Во наредниот период ќе се изведуваат дополнителни градежни зафати на тротоарите, инсталациите и придружната инфраструктура, како и поставување на трајна сообраќајна сигнализација и завршниот слој асфалт.Директорот на Управата за сообраќајна полиција, Радомир Вуксановиќ, изјави дека станува збор за голем и комплексен проект и најави дека јавноста ќе биде изненадена од рокот во кој ќе бидат завршени преостанатите работи.Според актуелните планови, целосното завршување на реконструкцијата се очекува во средината на јули.Надлежните апелираат до возачите да ја почитуваат привремената сообраќајна сигнализација, бидејќи булеварот формално сè уште се води како градилиште.„Патот е безбеден доколку се почитуваат привремените правила на сообраќај. Во спротивно, безбедноста не може да биде гарантирана“, порачаа одговорните за проектот.Реконструкцијата е вредна 54 милиони евра и е доверена на кинескиот конзорциум „Шанг Донг“, додека главен подизведувач е црногорската компанија „Бемакс“. Работите официјално започнаа во јануари 2024 година, а пуштањето на сите четири ленти во пресрет на туристичката сезона се оценува како клучен чекор за олеснување на сообраќајот кон Будва и останатите туристички центри на црногорското приморје.
Свет | пред 2 часа