делчев

Груевски со цитат од Гоце: Ослободувањето на Македонија се крие во внатрешното востание

Експремиерот Никола Груевски од Будимпешта преку Фејсбук објави писание за Гоце Деллчев, а по повод 119 години од неговата смрт.„…Вечна му слава!“, напиша Груевски.Тој објави и цитати од две писма испратени од Делчев до Каранов и Груев:“Ослободувањето на Македонија се крие во внатрешното востание. Кој мисли поинаку да се ослободи Македонија, тој се лаже и себеси и другите”Гоце Делчев (до Ефрем Каранов од 17 Октомври 1895г)“Оној кој копнее, што работи да ја присоедини кон Бугарија или кон Грција, тој може да се мисли за добар Бугарин, или за добар Грк, но не и добар Македонец. Таквиот Бугарин или Грк го подржува и вечниот раздор меѓу балканските народи, кои треба да живеат во братска дружба за да бидат пресреќни. Македонија им припаѓа на сите Македонци, без разлика на религијата, нацијата и јазиците, во утрешна слободна Македонија и преку неа ќе се здружуваат сите балкански народи.”Говор на Гоце Делчев во Преспа во есента 1901 година, од историскиот роман на Димитар Талев “Илинден” –прв пат издаден во 1953г.во Бугарија“Дали може да има друго место за еден Македонец, освен Македонија? Дали има и народ понесреќен од Македонскиот? И дали има некаде пошироко поле за работа, одколку во Македонија...” Писмо до Даме Груев

Македонија | пред 3 години

„енерациите пред нас следејќи го твојот пат создадоа држава, а сега наш е редот да продолжиме“, активсти на Левица на коленици пред гробот на Гоце

По тридневен марш на великанот Гоце Делчев и изодени 152 километр за 35 часа, активисти на политичката партија Левица се поклонија пред неговиот гроб. Сашко Јанчев, активист на партијата, посочи: „За разлика од лани годинава не бев сам. Сега имаше три чети. Една гевгелиско-велешка, една битолска и една скопска. Се тргна од два правци, од Гевгелија и од Битола. Скопската чета се придружи пред Скопје“.„А имаше и пречек од еден куп другарки и другари. Здравје наредна година помасовно и од повеќе правци од Македонија. Учителе, Пред тебе во Македонија населението беше делено на различни табори задоени со меѓуплеменска омраза од завојувачките пропаганди на балканските државички. По тебе имаше духовно издигнување. По тебе има МАКЕДОНСКИ НАРОД кој сака СВОЈА САМОУПРАВНА ДРЖАВА МАКЕДОНИЈА која ќе ги помири балканските државички, која ќе биде лепак за нивно сојузување и која ќе направи од нив поле за културен натпревар, а не шаховска табла на Големите сили. Генерациите пред нас следејќи го твојот пат создадоа држава, а сега наш е редот да продолжиме. Вечна ти слава Учителе! Ти благодариме за патот на кој не изведе!“, додаде Јанчев.

Македонија | пред 3 години

Нема фотографија

Апасиев: Гоце е Македонија, џабе ни се лижете сите ќе ве стреламе

Лидерот на Левица и пратеник, Димитар Апасиев, на денот кога се одбележува 119 години од смртта на Гоце Делчев напиша статус посветен на великанот. Тој во писанието додава: „Гоце е Македонија, Џабе ни се лижете сите ќе ве стреламе, Левото крило на организацијата“.„Левичарот и социјалист Гоце ДЕЛЧЕВ, неколку дена пред да биде убиен, бил во Солун, баш кога велешките Гемиџии ги прават солунските атентати. Понесен од атмосферата, вака им се фалел на другарите од Организацијата:„Јунаци, во Солун ги разигравме анамите со широките шалвари. Од 'Империал Отоман Банката' не остана ни трага! Така ќе ја раздрусаме од темел и оваа гнила Турска империја“ *Преправен, се извлекува од солунските џандарски рации и се упатува кон неговата последна дестинација - селото Баница, Серско (Егејска Македонија), кое денес не постои. Таму загинува најхаризматичниот македонски војвода. Беше предаден од врховистите! Немаше ни 32 години. Слава му“, напиша Апасиев.

Коментари | пред 3 години

Јаулески: Нема да дозволиме да биде предадено делото на Делчев, нема компромиси за неговиот идентитет

Пратеникот на ВМРО-ДПМНЕ, Јован Јаулески, порача дека нема да дозволат да биде предадено неговото дело. Тој посочи дека Делчев е темелот врз кого е изградена модерната македонска држава.„Во 1903-та во Баница, Серско, пред 119 години е предаден и убиен Гоце Делчев. Ние, нема да дозволиме да биде предадено неговото дело, затоа што темелот врз кого е изградена модерната македонска држава се вика Гоце Делчев. Даскалот е лик кој секој би посакал да го има во својата историја, за кого слушнал светот и со восхит и почит се изговара неговото име, припаѓа само на Македонија затоа што самиот тој, е Македонец.Никако поинаку и никакви компромиси нема за и околу неговиот идентитет. Неговиот идеал е се уште жив, како што е жива Македонија, а на нас, младите генерации ни останува да го заштитиме од безмилосните пропаганди помогнати од внатрешните неразбрани трговци кои имаат за цел да го продадат и најсветото од Македонија. Нека му е вечна слава!“, напиша Јаулески.

Македонија | пред 3 години

Владина делегација, без премиерот, оддаде почит на гробот на Гоце Делчев

Делегација на Владата на Република Северна Македонија предводена од министерката за труд и социјална политика Јована Тренчевска, заедно со министерот за транспорт и врски Благоја Бочварски и заменик-министерот за транспорт и врски Беким Реџепи, денеска со положување на свежо цвеќе оддадоа почит на великанот Гоце Делчев на неговото вечното почивалиште во црквата „Св. Спас“ во Скопје.Сеќавањето на годишнината од смртта на Гоце Делчев, како знаменосец на македонската револуционерна борба, е и чествување на вредностите што тој ги застапуваше во борбата за слобода и за македонската државност.

Македонија | пред 3 години

(ВИДЕО) Претседателот Стево Пендаровски положи цвеќе по повод 119-годишнината од смртта на Гоце Делчев

Претседателот Стево Пендаровски денеска положи цвеќе на гробот на Гоце Делчев во црквата „Свети Спас“, по повод 119-годишнината од неговата смрт.

Македонија | пред 3 години

Делегација од ВМРО-ДПМНЕ положи свежо цвеќе на гробот на Гоце Делчев

Делегација од ВМРО-ДПМНЕ, во составена од потпретседателите Владо Мисајловски и Александар Николоски и членот на ИК Ели Панова, во дворот на храмот Св. Спас во Скопје положи свежо цвеќе на гробот на македонскиот великан, и еден од симболите на македонската револуционерна борба за ослободување Гоце Делчев.Делчев е нишката на обединувања и црвената линија на Македонија, неговото делување станало инспирација за голем број други дејци како во Илинденскиот период, така и во периодот на Втората Светска војна на учесниците во НОБ.Идејата на Гоце Делчев за Македонија слободна и просперитетна ја живееме денес, но сите ние имаме обврска да ја унапредиме земјата и да ја оставиме просперитетна и со можности за генерациите што идат.Токму затоа во овие турбулентни мигови, кога кај власта недостасува чувство за национално обединување, потребно е народот сам, со сите други чинители да ја носи идејата на Делчев, а со цел заштита на македонскиот јазик, историја и идентитет.

Македонија | пред 3 години

Пендаровски: Гоце Делчев не е само апостол на македонската револуција, тој е светски хуманист

Претседателот Стево Пендаровски, по повод 119 годишнината од смртта на Гоце Делчев, се обрати преку социјалните мрежи.„Денеска одбележуваме 119 години од смртта на македонскиот револуционер и визионер #ГоцеДелчев. Тој не е само апостол на македонската револуција, тој е светски хуманист со високи интернационални и космополитиски погледи. Слава му!“, напиша Пендаровски.

Македонија | пред 3 години