дрин ахмети

Дрин Ахмети ќе плати парична казна за пиротехниката, немал многу со него за да го гонат кривично

Дрин Ахмети, внук на Али Ахмети, кој лани беше фатен со арсенал на пиротехника, нема да гонет кривично. Тој ќе добие парична казна. Имал само 15 кутии ракети и 7 петарди.„Не е точно дека Јавното обвинителство се повлекло од гонење на наведеното лице. Напротив, по целосно спроведена предистражна постапка и наредено вештачење, обвинителството ги обезбедените докази утврдуваат прекршочна одговорност на лицето и издаде Наредба до МВР – Биро за јавна безбедност – СВР Скопје со која побара поведување на прекршочна постапка против пријавениот согласно одредбите од Законот за заштита од експлозивни материи. Во однос на кривична одговорност, вешто лице изврши увид и анализа на запленетите пиротехнички средства и детално констатираше поединечно за каков вид на пиротехнички производи станува збор. Согласно извршеното вештачење, во конкретниот случај се работи за 7 петарди и 15 кутии со ракети за огномет, чии испалувања биле евидентирани поединечно, но во суштина се поврзани и претставуваат една целина. За набавката на огнометот пријавениот поседувал фактура од правно лице чија што дејност е продажба на пиротехнички средства, а за изведба на огнометот било ангажирано друго правно лице“, велат од Обвинителството и додаваат:„Согласно извештајот, предметниот пиротехнички материјал кој бил пронајден и одземен не е од поголемо количество кое може да иницира кривичен прогон и евентуална кривична одговорност, а во прилог на тоа говори и фактот што Министерството за внатрешни работи како надлежен орган за настанот достави известување, а не кривична пријава до обвинителството.Сепак, јавниот обвинител, постапувајќи и испитувајќи ги сите околности, утврди дека лицето не поседувало одобрение за превезување на пиротехничките средства како што налага Законот, нешто што претставува прекршок за кој Законот за заштита од експлозивни материи има посебни прекршочни одредби во чл.69 и за кои е предвидено да се води прекршочна постапка од страна на комисија во Министерството за внатрешни работи“.

Македонија | пред 1 година

(Видео) ЈО да не молчи, да не чека и да реагира експедитивно за Дрин Ахмети, кој заработувал милиони без да плати соодветен надоместок за концесијата, вели Лефков

„ЈО да не молчи, да не чека и да реагира експедитивно за Дрин Ахмети, кој заработувал милиони без да плати соодветен надоместок за концесијата.Ахмети свесно ја оштетил државата, ја ограбил“, вели Миле Лефков, член на ИК на ВМРО-ДПМНЕ и пратеник и додава:ЈО не смее да остане под притисок на поранешната власт на СДС и ДУИ, и мора да почне да постапува согласно закон.ЈО да не се плаши од таткото на Дрин Ахмети кој буквално му седи на главата на јавниот обвинител за организиран криминал Исмаил Абази, затоа што институциите се ослободуваат и сега ако не постапат, ќе треба и тие да одговараат пред законот за многу скоро од сега, зошто тоа не го направиле.ЈО не смее да не постапува, Дрин Ахмети преку неговата фирма ЕВЕРЕСТ ЏД го оштетил Буџетот на државата не платил концесија во висина на извршените ископи од над 1.6 милиони.Непостапувањето на институциите во време на СДС и ДУИ допронело до тоа Дрин Ахмети да работи, иако требало да му биде одземена лиценцата, а со тоа и да може да зема милионски тендери, иако требало да му се одземе лиценцата.Дрин Ахмети е фатен на дело како прави криминал, случајот е многу јасен. ЈО да постапи, затоа што тоа непостапување допринесе државата да има 2% доверба во судството и обвинителството. Очекуваме брзо процесуирање.Истовремено најавувам, дека од утре продолжуваме со нови случаи од скандалите опфатени во серијалот „Ограбена држава“.

пред 1 година

Џафери нема намера да бара одговорност од Фондот за иновации поради Дрин Ахмети

Никој нема да понесе одговорност од раководството на Фондот за иновации, иако Државната комисија за спречување корупција (ДКСК) изрази сомнежи за нивната работа, а ексчленот Нури Бајрами кажа дека има сомнежи и за незаконско доделување на државни пари на две фирми на Дрин Ахмети, внукот на лидерот на ДУИ, Али Ахмети. Според Џафери, сите ќе си останат на директорските функции се додека, обвинителството не докаже вина кај нив.„Владата ниту е судија, ниту е обвинител. Соодветната независна институција поднела информација таму каде што требала да поднесе. Владата не може да постапи како суд. Пресумција на невиност е основно правило во правото, надлежните институции ако имаат поинаква одлука, нема причина да не постапи Владата“, кажа Џафери.Поранешниот член на ДКСК, Нури Бајрами побара од Владата да ја преиспита целокупната работа на ФИТР затоа што, како што рече, постои основано сомневање за несовесно и противзаконско работење на сите органи на Фондот за иновации. Меѓу другите сомнежи е и она за незаконско доделување на државни пари на две фирми на Дрин Ахмети, внукот на лидерот на ДУИ, Али Ахмети. Според податоците на ДКСК досега од буџетот на Фондот биле исплатени вкупно шест милиони денари, а при тоа не била направена ниту една контрола за да се види како се потрошени нивните пари.

Македонија | пред 1 година

Дрин Ахмети е вмешан и како подизведувач на коридорот 8 и други патишта низ Македонија, вели ВМРО-ДПМНЕ

Кога јавноста ќе помисли дека дното е постигнато, во врска со криминалните активности на ДУИ, тогаш тука е семејството на Али Ахмети, со нови афери, каде се крадат парите на народот, вели ВМРО-ДПМНЕ„Во документите кои стигнаа до ВМРО-ДПМНЕ е наведено дека „Тор Индустриес“, со Дрин Ахмети како сопствeник, е формирана во 2020-та година, за да учествува во големите градежни проекти кои се планирани од власта во Македонија.„Тор Индустриес“, заедно со уште една фирма од кланот Зајас, е вклучен во изградба на коридорот 8, а договорот кој го имаат двете фирми е 1.3 милиони евра за ископ и други градежни работи.Покрај коридорот 8, „Тор Индустриес“, фирмата на внукот на Али Ахмети, Дрин Ахмети е вклучена и во изградба на патот од Кичево до Дебар, поточно делницата Извор – Гарски мост. Исто како и на коридор 8, така и на оваа делница внукот на Али Ахмети е вклучен со уште една фирма од кланот Зајас, а средствата кои треба да ги приграбат, според документите доставени до нас, се помеѓу 6 и 9 милиони евра.Во сите овие ситуации, само блиските роднини на Али Ахмети негуваат претприемачки дух. Очигледно секогаш во позадината, на овие црни бизниси е самиот Али Ахмети, кој дава амин, а во исто време ги користи своите внуци и синот, за да се збогати уште повеќе на грбот на граѓаните.Одговорноста доаѓа за многу кратко, а кога тогаш Али Ахмети ќе мора да се соочи со своите постапки, преку кои тој се богати, а народот осиромашува“, се вели во соопштението.

Македонија | пред 2 години