Џенифер Кулиџ откри: Живеев со колега од „Американска пита“, но немавме врска
Актерката Џенифер Кулиџ, која се прослави како „мајката на Стифлер“ во филмот Американска пита, откри дека по снимањето на интимните сцени, една година живеела со својот колега Еди Кеј Томас, но дека меѓу нив немало романтична врска.Иако нивните ликови на екранот имаа бурна љубовна приказна, приватно биле само цимери во Лос Анџелес. Кулиџ во интервју за магазинот GQ објасни дека нивниот однос бил исклучиво пријателски. Таа посочи дека Томас во станот носел свои девојки, а нивните соби биле една спроти друга. „Не му бев љубовта на животот“, се пошегува актерката.Иако со колегата немало романса, улогата во Американска пита значително влијаела врз нејзиниот љубовен живот. Кулиџ претходно изјави дека поради таа улога имала односи со околу 200 луѓе, но подоцна призна дека бројката била претерана. „Тоа ми го промени љубовниот живот на начин што не можам ни да го објаснам“, рече таа.Актерката додаде дека без овој филм нејзината деценија би била „многу здодевна“.Покрај тоа, нова популарност ѝ донесе и улогата на Тања во серијата Белиот лотос. „Иако таму играм вистинска чудачка, сè уште ми приоѓаат симпатични момчиња“, изјави таа за „Сандеј тајмс“.Според неа, вниманието што го добива поради „Белиот лотос“ е уште поголемо. „Ова е многу подобро отколку по ‘Американска пита’, бидејќи луѓето беа навистина трогнати од тоа што ѝ се случи на Тања. На мажите повеќе им се допаѓаш кога имаат чувство дека си поминала низ нешто“, додаде Кулиџ.
Магазин | пред 3 часа
