Џеси Џеј објави дека го победила ракот: „Конечно можам да здивнам“
Џеси Џеј објави дека го победила ракот, 11 месеци по дијагнозата и операцијата. Среќната вест ја сподели со своите следбеници на Инстаграм, по редовниот годишен преглед.Пејачката објави видео снимено во болница непосредно пред прегледот, признавајќи дека чувствувала голем страв.„Се вратив на годишен преглед. Искрено, умирав од страв, нема да лажам“, изјави таа во видеото, додавајќи дека требало да направи магнетна резонанца.Џеси Џеј откри дека по добивањето на резултатите емотивно реагирала.„СТИГНАА РЕЗУЛТАТИТЕ И НЕМАМ РАК! Плачев со часови, а потоа, првпат по една година, конечно здивнав“, напиша таа во описот на објавата.Пејачката во јуни 2025 година откри дека ѝ бил дијагностициран рак на дојка во рана фаза. Тогаш информацијата ја сподели додека го промовираше албумот „Don’t Tease Me with a Good Time“, а кратко потоа беше подложена на мастектомија.
Магазин | пред 1 час
