Почина турската актерка Ече Иртем, ѕвездата од „Шербет од брусница“
Турската актерка Ече Иртем, која македонската публика најмногу ја памети по улогата на Ишил во популарната серија „Шербет од брусница“, почина на 35-годишна возраст, оставајќи ги во шок нејзините колеги и бројните обожаватели.Според информациите што ги соопштил нејзиниот правен застапник, Иртем била пронајдена без свест во својот дом утрото по прославата на нејзиниот роденден. Актерката починала околу пладне, а во последните моменти покрај неа била нејзината мајка.Првичните медицински наоди укажуваат на можен масивен срцев удар како причина за смртта, но конечниот одговор ќе го даде обдукцијата. Во меѓувреме, семејството ги демантираше шпекулациите што почнаа да се шират на социјалните мрежи во врска со нејзината смрт.Ече Иртем е родена на 14 јуни 1991 година во турската провинција Сивас, а трагичната вест доаѓа само еден ден по одбележувањето на нејзиниот 35-ти роденден.Покрај улогата во „Шербет од брусница“ („Kızılcık Şerbeti“), таа оствари забележителни настапи и во сериите „Забрането јаболко“ („Yasak Elma“), „Нова невеста“ („Yeni Gelin“) и „Бахар“, како и во филмот „Зенго“ и нетфликсовиот трилер „Десет дена на љубопитниот човек“.Пред да ѝ се посвети на актерската професија, Иртем дипломирала на Одделот за опера и соло пеење на Универзитетот „Јашар“ во Измир во 2014 година. Своето образование го надградила и во областа на глумата во културниот центар „Садри Алишик“ во Истанбул.Нејзиното прерано заминување претставува голема загуба за турската телевизиска и филмска сцена, а многумина преку социјалните мрежи веќе се простуваат од актерката, која остави значаен белег во современата турска продукција.
Магазин | пред 4 часа