ЕЛЕН

(Видео) Елен нападна возач на скутер во Загреб

Млад елен предизвика необичен сообраќаен инцидент на загрепскиот Пантовчак, откако нагло истрча преку улица и собори возач на скутер, а снимката од настанот за кратко време се прошири на социјалните мрежи, објавија хрватските медиуми.Видеото е снимено од автомобил кој се движел од центарот на градот кон север. Покрај левата страна од улицата се наоѓа ограден шумски појас, по кој еленот се движел долж оградата, неколкупати запирајќи и враќајќи се како да бара премин назад кон шумата.По неколку неуспешни обиди, животното ја преминало улицата и продолжило да се движи покрај десната лента, додека возачот што снимал успорил и се движел зад него на безбедно растојание, без да го вознемирува.Кога еленот повторно застанал и ја подигнал главата, автомобилот запрел. Во тој момент од спротивниот правец наишол скутер. Животното неколку секунди го следело неговото движење, по што нагло тргнало кон спротивната страна од улицата. Следувал директен судир, при што возачот паднал на коловозот, а паднал и еленот. Снимката завршува токму во тој момент.Од Полициската управа во Загреб соопштиле дека настанот се случил вчера околу 9:30 часот и бил евидентиран како сообраќаен настан, а не како сообраќајна несреќа, бидејќи возачот на скутерот не бил повреден. Причинета е материјална штета, додека еленот по судирот станал и се оддалечил од местото.Видеото погледнете го тука:https://www.reddit.com/r/promet/comments/1rf9uea/divlje_zivotninje_na_pantovcaku_pogledati_kraj/?utm_source=share&utm_medium=mweb3x&utm_name=post_embed&utm_term=1&utm_content=1

Свет | пред 5 дена

Трагедија во Алјаска: Загина млад Бугарин, тешко повредена Македонка по судир со елен

Едно лице го загуби животот, а друго е тешко повредено во сообраќајна несреќа што се случила во раните утрински часови во близина на влезот на Националниот парк и резерват Денали во Алјаска.Несреќата се случила во петокот, на 1 август, околу 1 часот по локално време, на патот Денали Парк, во близина на 235-та милја од автопатот Џорџ Паркс (познат и како автопат Паркс), јужно од влезот на паркот.Според информациите на Националната служба за паркови, 24-годишен државјанин на Бугарија управувал со возилото кога удрило во елен. Тој починал на самото место.Во возилото се наоѓала и 24-годишна девојка од Македонија, која со тешки повреди била пренесена во болница во Фербанкс, на околу 190 километри оддалеченост.Од Националната служба за паркови изјавија дека овој трагичен случај е „тежок потсетник на опасностите што ги носи присуството на диви животни на патиштата во Алјаска“, особено во раните и доцните часови кога лосовите, карибуите и други крупни животни се најактивни и често тешко видливи.Службата додаде дека е во координација со бугарската амбасада за да ги извести најблиските роднини на починатиот, по што ќе биде објавен неговиот идентитет.фото: Unsplash

Македонија | пред 6 месеци