ЕУФОРИЈА

Фановите во шок по новата епизода на „Еуфорија“: Дали Ру умира?

Крајот на петтата епизода од третата сезона на „Еуфорија“ ги остави гледачите во шок и неизвесност околу судбината на главната хероина Ру, која ја игра Зендеја.По емитувањето на епизодата, прашањето „дали Ру умира во третата сезона на „Еуфорија““ стана едно од најпребаруваните на интернет.Во драматичната завршница, бандата почнува да се сомнева во Ру, по што Аламо, ликот што го толкува Адвејл Акинуоје-Агбаџе, им наредува на своите луѓе да ја закопаат до врат во земја.Сцената завршува со негово појавување на коњ, со палка во раката, оставајќи ја нејзината судбина целосно неизвесна.Иако дел од фановите мислеа дека сезоната е при крај, третата сезона ќе има вкупно осум епизоди, што значи дека следуваат уште три продолженија.HBO во меѓувреме откри дека финалната епизода ќе трае дури 93 минути, што е рекордно долго финале за оваа телевизиска мрежа.

Магазин | пред 8 часа

(Видео) Креаторот на серијата „Еуфорија“ најавува: „Хаосот допрва следува“

Популарната серија „Еуфорија“ стигна до половина од емитувањето на третата сезона, а нејзиниот креатор Сем Левинсон порача дека „хаосот допрва почнува“, најавувајќи емотивно и возбудливо понатамошно патување на ликовите.По тоа што во четвртата епизода почнаа да се склопуваат коцките на заплетот — вклучувајќи го конфликтот меѓу групите што ги предводат Аламо (Адевале Акинуоје-Агбаје) и Лори (Марта Кели), како и влегувањето на Кеси (Сидни Свини) во светот на Меди (Алекса Деми) — Левинсон на настан во Лос Анџелес најави дека ликовите ги очекуваат низа „цунами пресврти“.„Тоа е како возење на ролеркостер кој постојано се качува и спушта“, сликовито опиша Левинсон, додека директорот на фотографија Марсел Рев додаде дека сезоната од шестата епизода станува помрачна, а претпоследната, седма епизода, носи емотивен пресврт.Иако фановите веќе создаваат бројни теории за развојот на приказната, Левинсон тврди дека ниту една интернет-теорија не погодила точно што следува. Сепак, откри дека ликот Анхел, кој го игра Присила Делгадо, има уште нераскажани слоеви.Тој вели дека го забавува сè што се случува на интернет за време на емитувањето, особено дискусиите на мрежата X, и дека тоа го гледа како „благослов“.„Сите сакаме да создадеме дело што ќе ги натера луѓето да чувствуваат, размислуваат, расправаат, сакаат или мразат. Важно е да се предизвика реакција“, изјави Левинсон.Иако некои серии како The Boys и Stranger Things имаа филмско финале, Левинсон смета дека тоа веројатно нема да биде случај со „Еуфорија“ поради политиката на HBO, иако му се допаѓа идејата.Фановите и понатаму расправаат дали третата сезона е последна, особено откако HBO ја нарече „финале на сезоната“, а не „финале на серијата“.Левинсон вели дека не е против продолжување, бидејќи серијата има „богат свет и силни ликови“, но додава дека, ако дојде до четврта сезона, ќе му биде потребен подолг одмор за да пронајде свежа приказна и нов пристап.

Магазин | пред 6 дена

(Видео) Контроверзии околу „Еуфорија“: Новата сезона шокира со експлицитни сцени

По четири години, започна третата сезона на серијата „Еуфорија“, но не без критики. Втората епизода покажа досега најексплицитни сцени, кога ликот кој го толкува Сидни Свини креира содржина за платформата за возрасни OnlyFans.Серијата на HBO ги следи поранешните ученици од средното училиште East Highland по петгодишна пауза, прикажувајќи ги нивните нови животи како возрасни луѓе.Сепак, и покрај ѕвездената актерска екипа предводена од Зендаја, Сидни Свини и Џејкоб Елорди, фановите почнаа да повикуваат на нејзино укинување.Од премиерата во 2019 година, серијата беше позната по поместување на границите преку експлицитни прикази на тинејџерска употреба на дрога, секс и насилство. Меѓутоа, гледачите сега тврдат дека „вознемирувачките“ и „мизогини“ приказни во новата сезона, потпишани од авторот Сем Левинсон, „ја изгубиле смислата“.Во најновата епизода насловена „America My Dream“, публиката беше згрозена од тоа до каде оди ликот Кеси Хауард, кој го толкува Свини – вклучувајќи ги и најпровокативните сцени во нејзината кариера досега.Во првата епизода таа се појавува облечена како бебе, додека во втората е прикажана како куче во долна облека. Во новите сцени оди и чекор понатаму – целосно гола.Кеси позира за низа провокативни фотографии за нејзиниот OnlyFans профил. Во една сцена сладолед ѝ се слева по градите, додека во друга е обвиена со мокрo, проѕирнo американскo знаме. Следуваат фотографии со безбол тема каде носи само танга, а потоа и сцена во која глуми „возрасно бебе“, позирајќи со цуцла во уста.Ликот Ру (Зендаја) во нарацијата вели: „Штета што беше со Нејт. Кеси е токму тип на девојка каква што би сакал да ‘ја потпишеш’. Убава, но без правец. Толку желна за внимание што е подготвена да се понижи.“Реакциите на фановите беа остри:„Некој нека ја спаси Сидни Свини“, напиша еден корисник, додека други ги нарекоа сцените „ритуал на понижување“.Фановите веќе претходно беа шокирани од сцените на т.н. „puppy play“, кои Левинсон мораше да ги брани, објаснувајќи дека целта била апсурдот да не биде целосно дел од фантазијата на ликот.Сидни Свини изјави:„Кеси е луда личност. Во оваа сезона ќе направи сè за да стане позната и носи многу екстремни одлуки.“Третата сезона веќе пред премиерата доби слаби оценки, со само 46% на Rotten Tomatoes. Критичарите ја опишаа како „хаотичен неред“ и „разочарувачки празна“.БиБиСи ѝ даде оценка од две од пет ѕвезди, со коментар дека серијата „ја изгубила суштината што ја правеше интересна“ и сега делува како обид ликовите да останат исти иако пораснале.

Магазин | пред 3 седмици

(Видео) Ечеше „Ако умрам ил загинам“ во Охрид до доцна во вечерта

Балканските ѕвезди Жељко Самарџиќ и Саша Матиќ правеа забава за Охрид и туристите која траеше и по полноќ. Од стадионот „Билјанини Извори“ ечеа нивните хитови, но и македонски песни специјално отпеани за публиката. Самарџиќ ја отпеа „Македонско девојче“, „Ако умрам ил загинам“...По него, запеа и Матиќ, кој ја отпеа „Лихнида кајче веслаше“ и неколку други македонски песни.Организатори на концертот се продукцијата „Еуфорија“.

Магазин | пред 1 година