европски фронт

Европскиот Фронт бара оставка од Гаши: Тој ќе остане срам за нашиот народ, за нашата историја

Европскиот Фронт, предводен од ДУИ е револтиран поради, како што велат, срамните и неодговорни изјави на Претседателот на Собранието, Африм Гаши, во врска со статусот на албанскиот јазик.Неговото тврдење дека единствениот службен јазик во земјата е македонскиот, а дека албанскиот јазик е „преведен јазик,“ е не само отворена лага, туку и тежок чин на предавство кон албанскиот народ, нашата историја и нашите тешко стекнати права, велат од ЕФ.„Шокантно е, но не и изненадувачки, што г. Гаши – личност избрана за да служи како марионета во највисоката хиерархија на државата – може да падне толку ниско, достигнувајќи ниво на самопонижување кое дури Овој срамен чин на подаништво и предавство покажува не само недостаток на интегритет, туку и подготвеност за поткопување на уставните принципи на оваа држава само за да ја зачува својата позиција.Амандманот V од Уставот јасно го дефинира албанскиот јазик како службен јазик покрај македонскиот.Законот за употреба на јазиците понатаму го консолидира користењето на албанскиот јазик како службен во сите сфери на јавниот живот.Во пракса, албанскиот јазик е составен дел од институционалната, културната и општествената структура на нашата земја – реалност која не може да биде избришана со ниту еден чин на сервилност.Со негирање на овие вистини, Африм Гаши не само што го навредува албанскиот народ, туку ја делегитимира и функцијата кој ја има.Ова е предавство од големи размери. Зборовите на Африм Гаши звучат како реторика на оние кои историски настојувале да ги маргинализираат Албанците, да го избришат нашиот идентитет и да ги потценат нашите придонеси во ова општество.Африм Гаши не претставува никого освен себеси и тесните интереси на оние кои го поставиле на оваа позиција.Тој не е глас на албанскиот народ и не ги отелотворува нашите вредности, гордост или аспирации. Африм Гаши ја премина границата која ниту еден Албанец не ја преминал. Историјата ќе го памети ова предавство, а албанскиот народ нема да го прости. Бараме негова итна оставка од функцијата Претседател на Собранието.Тој ќе остане срам за нашиот народ, за нашата историја“, велат од ЕФ.

Македонија | пред 11 месец

Европски фронт бара заминување на Меџити, Стоилковиќ, Тошковски и Исени

Пратеничката група на Европскиот фронт, поднесе барање на наредната собраниска седница на дневен ред да биде ставена информација за безбедносната состојба во земјата.Тие поднесоа и интерпелации за работата на вицепремиерите Изет Меџити и Иван Стоилковиќ и за министерот за внатрешни работи Панче Тошковски и неговиот заменик Астрит Исени и бараат нивна смена.Координаторот на пратеничката група на ДУИ, Блерим Беџети, на прес-конференција рече дека тие бараат информации за безбедносната состојба во земјата, во врска со палењето на деловни објекти во Куманово и нападите врз имотите на граѓани од албанска етничка припадност, како и палења на знамиња и информација за селективниот пристап во смисла на процесирање на учесниците на истите настани и сите детали во врска со мерките за институционален одговор и превенција од потенцијални слични настани.Пратениците од Европскиот фронт бараат и одговори за селективно постапување од страна на службени лица од МВР, надзор врз работата на безбедносните служби, отчетност за преземените, но и непреземените мерки.Во интерпелацијата за Министрите Изет Меџити, Панче Тошкоски и неговиот заменик Исени, како и за министерот Стоиљковиќ, задолжен за односите меѓу заедниците, ќе бидат детално наведени причините за нивните интерпелации, рече Беџети.

Македонија | пред 1 година

ВРЕДИ: Европскиот фронт се распаѓа од лагите на Ахмети

„Кога ДУИ и нивните сателити зборуваат за фолклоризам и лажен патриотизам, вистината секогаш ги удира по лицето. А вистината е една! Рамиз Мерко, од американските црни листи како пријател и ветеран на кликата на ДУИ, ги потсетува Али Ахмети и Зијадин Села дека корупцијата беше основен столб на нивното 22-годишно владеење“, велат од ВРЕДИ.„Кога Ахмети зборува за ветинг, да го потсетиме дека токму неговиот долгогодишен кадар, Иџет Мемети, спроведе ветинг во неговата партија преку договорот со абазијанското обвинителство. Кога зборува за албанскиот јазик, го потсетуваме дека неговиот „пациент“ Бујар Османи ги испрати трите членови на Венецијанската комисија за оспорување на јазикот.Кога зборува за сила, да го потсетиме на покорноста кон Мијалков и Груевски — едниот ослободен од одговорност, а другиот пуштен да избега. За економијата, да го потсетиме на „Лас Вегасот“ што Артан Груби и Прпарим Бајрами го создадоа во нашите населби.Но, за разлика од нив, ВРЕДИ во своите 100 дена ги покачи пензиите, донесе странски инвестиции, вложува 34.5 милиони евра во изградбата на кампусот на Универзитетот Мајка Тереза и обезбеди 100 милиони евра за општините. Овие се реални дела што ќе го подобрат животот на нашите граѓани.ВРЕДИ, преку своите кадри, донесе нова свежина, надеж, работна етика, чесност и посветеност кон ветеното. Со непоколеблива волја, поставивме темели за нова ера, каде што граѓаните се на прво место, а нивните очекувања се исполнуваат со дела, не само со зборови. Ние продолжуваме напред, заедно со вас, граѓаните, како наш најголем капитал.На крај, го потсетуваме Али Ахмети дека ВРЕДИ ги доби изборите со 107 илјади албански гласови“, соопшти ВРЕДИ.

Македонија | пред 1 година