ФАНК ШУИ

По четири години пауза, „Фанк шуи“ со концерт во МКЦ

По четири годни пауза „Фанк шуи“ ќе имаат свој самостоен концерт, кој е закажан за во петок, на 31. март. Концерот е во Денсинг салата во МКЦ во Скопје.Овој концерт, воедно ќе претставува и промоција на долгоочекуваниот трет студиски албум насловен „Никогаш пак“, на кој се поместени хитовите „Крик“, „Метеори“, „Ветер“ и „Не време“.Бендот најавуваат концерт од час и половина во кој покрај познатите песни, за прв пат во целост ќе го изведат и новиот албум.Влезниците за концертот ќе бидат во продажба од вторник, 7. март од 10:00 часот наутро, онлајн на bileti.mkc.mk, како и на билетарницата при МКЦ. Првите 100 билети ќе се продаваат по цена од 300, а потоа по 400 денари. На денот на концертот билетите ќе чинат 500 денари.

Магазин | пред 2 години

„Фанк шуи“ со концерти во Лондон и Ливерпул

Македонскиот бенд „Фанк шуи“ на 29 април ќе имаат концерт во Лондон, а потоа ќе гостуваат на познатиот Sound City фестивал во Ливерпул, каде голем број пејачи ја почнале кариерата.Тие годинава ја почнаа со онлајн претставување на најголемиот и најпрестижен шоукејс фестивал во Европа – Eurosonic во Холандија.„Возбудени сме што ќе имаме можност да настапиме во Лондон и Ливерпул и што ќе ја споделиме нашата музика со тамошната публика. Почестени сме што ќе бидеме дел од програмата на Sound City Festival во Ливерпул, еден од најголемите шоукејс фестивали во Европа. Исто така, со нетрпение го очекуваме и нашиот концерт во добро познатиот клуб „The old blue last” во Лондон“, рекоа дечките од „Фенк шуи“.Бендот исто така е актуелен и со трите номинации за минатогодишното видеото „Не време” во соработка со Вера Милошевска Јосифовска на Muzzik Video Awards 2k21, во категориите најдобра камера, најдобра режија и фјужн.

Магазин | пред 3 години