ФЕРАРИ

Тоблероне му се потсмева на новиот електричен Ферари: „Ова никогаш нема да се случи“

Првиот целосно електричен модел на Ферари, „Луче“, продолжува да предизвикува бурни реакции на социјалните мрежи, а сега во критиките се вклучи и познатиот швајцарски производител на чоколади, Тоблероне.Компанијата објави фотографија од својата чоколада редизајнирана во стилот на новиот Ферари. Наместо препознатливите триаголни врвови, чоколадата беше прикажана со заоблен и мазен изглед, во светлосина боја слична на една од претставените верзии на автомобилот.Покрај фотографијата стоеше пораката: „Ова нема да се случи“, а потоа беше додадено дека Тоблероне „секогаш ќе ги задржи аглите“. Објавата брзо стана вирална и беше протолкувана како директна шега на сметка на дизајнот на новиот модел на Ферари.Од претставувањето на „Луче“, социјалните мрежи се преплавени со критики и споредби. Дел од корисниците го споредуваат автомобилот со компјутерски глушец или со обичен хечбек, додека вештачки генерирани видеа со основачот на компанијата, Енцо Ферари, станаа хит на интернет.Критики пристигнаа и од поранешниот претседател на Ферари, Лука ди Монтеземоло, кој јавно изрази незадоволство од новиот модел.„Ако кажам што навистина мислам, ќе го навредам Ферари“, изјави Монтеземоло, додавајќи дека компанијата ризикува да „уништи една легенда“.И покрај контроверзниот изглед, Ферари нагласува дека „Луче“ располага со импресивни перформанси. Автомобилот има четири електромотори со вкупно 1.050 коњски сили и забрзува од 0 до 100 километри на час за само 2,5 секунди.Сепак, барем засега, вниманието на јавноста е насочено повеќе кон неговиот изглед отколку кон неговите технички карактеристики.

Магазин | пред 1 седмица

Ферари повторно ги пушти испораките за Блискиот Исток по седумдневен застој

Италијанскиот производител на луксузни спортски автомобили „Ферари“ соопшти дека повторно ја воспоставил испораката на возила кон пазарите на Блискиот Исток, по привремена седумдневна пауза предизвикана од нагло влошување на безбедносната состојба во регионот.Според компанијата од Маранело, прекините биле поврзани со нарушени и делумно парализирани транспортни рути, поради што логистичкиот ланец морал брзо да се приспособи на новите околности.За да ги заобиколи блокадите и да обезбеди автомобилите да пристигнат до купувачите, „Ферари“ почнал активно да ги менува поморските рути, а за итни испораки користел и авионски превоз на делници каде што тоа било неопходно.Иако испораките на „Ферари“ се враќаат во попрегледен ритам, неизвесноста кај дел од останатите луксузни брендови во поширокиот сектор продолжува. Како пример, „Мазерати“ минатата недела потврди дека ги стопира испораките за регионот додека не обезбеди побезбедни алтернативни транспортни коридори, а во меѓувреме не беше потврдено целосно нормализирање на испораките.Настаните уште еднаш покажуваат колку брзо геополитичките тензии можат да се прелеат во реалната економија, особено кај производи што зависат од сложени и чувствителни логистички синџири.

Свет | пред 2 месеци

Кога ќе пристигне првото електрично Ферари

Планот е електричните автомобили да сочинуваат 40 отсто од продажбата до 2030 година.Како што фановите на Ferrari мораа да се соочат со фактот дека сега се нуди подигнат модел со четири седишта, така доаѓа и нов шок од италијанскиот производител. Првиот човек на компанијата Бенедето Виња го потврди доаѓањето на електричниот модел.Во интервју за Top Gear тој изјави дека тоа ќе биде „уникатно, вистинско Ferrari“.На некој начин оваа вест беше очекувана, бидејќи Виња неколку месеци претходно изјави дека Ферари може да се носи со дополнителната маса како резултат на електричниот погон, а притоа да ги задржи препознатливите возни карактеристики на најпрестижната италијанска автомобилска марка.„Работиме да ја задржиме душата на „машината“ потпирајќи се на долгогодишното искуство и експертиза“, рече Виња по патентните скици на автомобил со модули за батерии поставени под и зад седиштата, како и електричен автомобил со четири електрични мотори, протекоа во јавноста.За електричниот модел се знае многу малку, а производителот зборува општо кога зборува за овој иден автомобил.Првото електрично Ferrari ќе пристигне во 2025 година, а планот е електричните автомобили да учествуваат со 40 отсто од продажбата до 2030 година. Чистокрвните бензински автомобили би имале удел од 20 отсто, а останатите 40 отсто би отпаѓале на хибридите.Затоа, не е чудно што Виња, кој пристигна од STMicroelectronics, стана директор на Ferrari. На крајот на краиштата, електрифицираните 296 GTV и SF90 Stradale јасно покажуваат кон што цели Ферари и како ја гледа иднината на суперспортските автомобили.Навистина, кросоверот Purosangue пристигна со V12 мотор, но има простор и за хибриден погон.За потсетување, Ferrari ќе лансира уште 14 автомобили до 2026 година, вклучувајќи и еден хиперспортски модел.

Магазин | пред 3 години