филм

„Златна потковица“ на „Астерфест“ за филмот „Сведок“ на Али Азгари

Филмот „Сведок“ на Али Азгари во иранско-француска продукција ја доби заградата „Златна потковица“ на 17-тото издание на Интернационалниот филмски фестивал „Астерфест“ што се одржува во Струмица.„Сребрена потковица“ доби филмот „Божилак“ на Александар Вујовиќ (Црна Гора, Италија, Албанија), а бронзената му припадна на филмот „Мојот ум“ на Мартин Стренџ-Хансен од Данска.Награда за најдобар автор „Ацо Алексов“ жирито му ја додели на филмот „Вујко ми Тудор“ на Олга Луковницова (Молдавија, Португалија, Унгарија, Белгија).Награда за најдобро сценарио „Ѓорги Абаџиев“ му припадна на филмот „Џелатот дома“ на Мајкл и Ури Кранот (Франција, Данска , Канада).Специјална диплома од жирито доби филмот „Раселени“ на Самир Карахода од Косово.Фестивалската програма продолжува вечер со проекција на филмот „Журнал за Желимир Жилник“ на Јанко Баљак, во чест на лауреатот, а фестивалот ќе биде затворен утре со специјалната премиерна проекција на македонскиот документарен филм „Трн“ на авторите Никола Пијанманов и Столе Ангелов.

Магазин | пред 3 години

Нема фотографија

Нoвата серија на „Нетфликс“ ги воодушеви критичарите

Нoвата серија на „Нетфликс“ заработи одлични критики, судејќи според рејтингот на ИМД-б и „Ротен томатос“, веб-страницата агрегатор на рецензии.„Сендмен“ или „Човекот од песок“ (The Sandman) дебитираше на стриминг-платформата во петокот и се чини дека ги воодушеви и критичарите и публиката. Серијата моментално има оцена од 8,2 на „ИМД-б“, додека на „Ротен томатос“ позитивно е оценета од 84% од критичарите и 88% од гледачите. Серијата е базирана на култниот серијал стрипови на Нил Гејман креирана за „Ди-си“, а се фокусира на бесмртното олицетворение на човечките соништа – Морфеј.„Нетфликс“ ја опишува како „богат спој на модерен мит и мрачна фантазија каде што современата фикција, историската драма и легендата се беспрекорно испреплетени“.„Серијата ги следи луѓето и местата под влијание на Морфеј, кралот на соништата, додека ги коригира космичките и човечките грешки што ги правел во текот на неговото огромно постоење,“ стои во описот.„Сендмен“ го чинеше „Нетфликс“ неверојатни 165 милиони долари, а главните улоги ги толкуваат Том Стариџ како Сонот, Гвендолин Кристи како Луцифер, Кирби Хауел-Баптист како Смртта, Џена Колман како Јохана Константин, а Марк Хамил го позајми гласот за Мерв Пампкинхед.Критичарите сметаат дека серијата е достојна за култниот стрип.Иако има поделени мислења за адаптацијата на изворниот материјал, како и за квалитетот на главната улога на Стариџ, критичарите нагласуваат дека серијата вреди да се гледа. „Серијата секако дека го оправда своето постоење, особено во последните пет епизоди,“ велат тие.И публиката се огласи на Твитер за да ја пофали новата серија, нарекувајќи ја неверојатна и навистина добра. Многумина твитнаа дека буквално си одат од работа рано за да ја гледаат.Судејќи според реакциите на фановите, серијата е емотивен часовник со врвна актерска екипа.

Магазин | пред 3 години