GDU

ГДУ: Време е ДУИ да ја пратиме во опозиција!

Следејќи ги изјавите на самонаречените “големи партии” во последниве неколку дена и нивниот топло-ладно однос во врска со уцената која доаѓа од ДУИ дека следниот премиер на Македонија мора да биде од албанска етичка припадност, би сакале уште еднаш да го повториме нашиот став кој јасно го искажавме уште во првите неколку денови од кампањата – пратениците на ГДУ во новото македонско собрание, кои сега е веќе извесно дека ќе ги има, нема да поддржат Влада во која еден од коалиционите партнери би била ДУИ.Сметаме дека конечно е дојдено времето да се испрати во опозиција партијата која има најдолг стаж како партиципиент во власта од самото основање на државата, верен партнер и послушник на СДСМ и ВМРО – ДПМНЕ и учесник во сите ретроградни процеси за разнебитување на правната држава, правосудството и системот во целост.„Идејата на Али Ахмети е очаен обид на етничка карта да ги искористи гласачите за последен пат да го одржат на власт. Ова е обид за “достојно пензионирање” на Ахмети, чие време на политичката сцена заврши. Наместо да понудат промена на својата структура, нови прогресивни идеи и проекти за иднината на Македонија, за Македонците, Албанците, Турците, Ромите, Египќаните, Србите и сите останати кои живеат тука, тие се враќаат на националистички реторики со уцени и спотови кои презентираат кадри од конфликтот и тоа темно време за земјата сакаат подмолно да го злоупотребат за политички поени.  Затоа, уште еднаш сакам да потенцирам и да им порачам на сите останати партии - ГДУ нема да прифати владина коалиција со ДУИ, зашто е дел од најголемите криминалните и коруптивни активности во последните 20-тина години кои беа на штета на секој граѓанин на Македонија.“ – вели Даниел Јорданоски, носител на ГДУ во Изборната единица 5.Овој наш став е и повик до сите други политички партии кои и мислат добро на нашата држава, без разлика дали првенствено им се обраќаат на македонскиот, албанскиот или друг етнички изборен електорат во Македонија – да се придружат на повикот за праќање на ДУИ во опозиција!  

Актуелно | пред 5 години

(ВИДЕО) Колев: ГДУ се залага за намалување на бројот на пратеници во Собранието на 90 по моделот на Словенија

Претседателот на ГДУ Петар Колев придружуван од носителот за ИЕ 5 Даниел Јорданоски и кандидатите за пратеници денеска во Охрид ги  соопштија партиските приоритети за овие избори.„За нас главен приоритет е реформата во администрација и промената на политичкиот ситем. ГДУ се залага за намалување на бројот на пратеници во Собранието на Р Македонија на 90 по моделот на Словенија, а во вториот мандат нашите размислувања се дека македонската демократија може да функционира и со 61 пратеник. Собранието е гласачка маѓина, премногу скапа за граѓаните на Македонија. Над 7 милиони евра се трошат на основа на бруто плата за пратеници во Собрание“, истакна меѓу другото Колев.Видео изјавата од претседателот на ГДУ Петар Колев целот во продолжение.

Слајдер | пред 5 години

Јорданоски: Време е за фер и демократски избори, и време е да им се покаже на граѓаните дека навистина поинаку е подобро

Денес во локалниот клуб на Граѓанско Демократска Унија-Охрид се одржа работна средба на која присутни беа членовите на Републичкиот изборен штаб на партијата, Генералниот секретер Димче Петкоски кој е воедно и шеф на РИШ и Даниел Јорданоски, носител на ИЕ-5.На средбата се разговараше за активностите кои се извршуваат за време на изборната кампања. Даниел Јорданоски, изјави дека граѓаните немаат повеќе време за чекање.„Мора да се направат радикални промени кои ќе бидат за доброто на сите граѓани во Охрид и вклучително цела Изборна единица-5. Време е за фер и демократски избори, и време е да им се покаже на граѓаните дека навистина ПОИНАКУ Е ПОДОБРО“, истакна Јорданоски.

пред 5 години

ГДУ: Реформи за повисоки плати за наставниците и помалку часови за учениците

Граѓанско демократската унија (ГДУ) ќе се заложи за итни реформи на образовниот систем со цел децата што побрзо да ги вратиме во школските клупи. Можностите дека и од септември повторно децата ќе се едуцираат преку онлајн настава звучи страшно, не само за родителите, туку и за наставниците кои се свесни дека ниту тие, ниту пак сите деца имаат технички можности од дома да се вклучат во школување од далечина.„Сметаме дека реформите во образованието се наметнуваат со апсолутна итност зашто не смееме како држава да дозволиме да ни се провлече уште една школска година под превезот на божемно учење. Не смееме да уништиме нови генерации поради нефункционалноста на системот. Потребно е подготовка на Национална Образовна Стратегија и тоа во насока на намалување на бројот на часови во основното и средното образование, следено со намалување на бројот на учениците во една паралелка. Со помали паралелки може да се  создадат услови и за воведување на мерките за заштита во училиштата. Уверени сме дека треба да се обезбеди поголема автономија на наставниците во поглед на нивниот индивидуален пристап и реализација на наставата и соодветно зголемување на нивните плати на ниво повисоко од републичкиот просек“, вели претседателот на Граѓанско демократската унија Петар Колев.Според изборната програма на партијата, промени се потребни и во начинот на обука и усовршувањата за наставниците, односно со воведување адекватни обуки според предметите и наставните програми за кои се квалификувани да ги предаваат.Проф. д-р Горан Рафајловски од Факултетот за електротехника и информациски технологии, кој е член на Управувачкиот комитет на Граѓанско Демократска Унија, зборува за коренити промени во образовните процеси во Македонија, особено основците и средношколците.„Потребно е да се создадат услови да во текот на основно и средно образование почне да се  работи според дуалниот принцип, што значи учениците не само да ја следат настава во школските клупи, туку да имаат можност и да работат и за тоа да бидат платени – хонорарно или на одреден период. На тој начин паралелно да се следи фид бекот, или повратната врска што ја има индустријата или услужната дејност или било кои други мали компании за нивните потреби и нивните идни развојни програми да се вклопат и придонесат за едно поуспешно образование. Во однос на високообразовните институции, пак, ние сме носители на проектот финансиран од Министерството за надворешни работи на Германија, „Дијалог Исток-Запад помеѓу високообразовните институции за заеднички вредности и одржлив развој“-DAAD. И проектот ни овозможува да направиме една алка помеѓу Германија, и од таму да ги земеме искуствата во високошколскиот образовен процес и да ги пресликаме во земјите во Западен Балкан, односно Македонија и Албанија“, вели Рафајловски.Итна ‘дебирократизација’ на образовниот систем според ГДУ може да почне уште следната учебна година со напуштање на застарениот модел на репетативно знаење и подигнување на квалитетот на учебниците. Партијата предлага и во министерствата да се формираат и работат Научно Истражувачки Центри.фото: ГДУ

пред 5 години