GEMINI

(Видео) Новата Gemini функција создава застрашувачки реални AI двојници на корисниците: Реалистично, но вознемирувачко искуство

Новинарот на магазинот „Wired“, Рис Роџерс, тестирал нова функција во апликацијата Google Gemini која со помош на вештачка интелигенција создава дигитален аватар на корисникот и го вметнува во целосно генерирани видеа.Искуството, како што пишува самиот, било истовремено фасцинантно и вознемирувачко, бидејќи AI верзијата од него изгледала и звучела „речиси застрашувачки реално“.Во едно од видеата, неговиот дигитален двојник пее роденденска песна на диносаурус во парк во Сан Франциско, додека во друго сурфа под мостот „Голден Гејт“. Ниту едно од тие видеа никогаш не било вистински снимено – сè било генерирано од вештачка интелигенција.Функцијата е дел од новиот Omni модел за видео-генерација на Google и моментално е достапна само за корисници кои плаќаат Gemini AI Pro претплата.Роџерс вели дека за неколку минути успеал да создаде целосен дигитален клон од себе. Процесот вклучувал снимање на лицето со мобилен телефон, читање броеви наглас и движење на главата пред камера.„Кога внимателно го гледав лицето на AI двојникот, имав чувство дека навистина се гледам самиот себе“, пишува тој.Според него, системот прецизно ги репродуцирал дури и ситните детали на лицето, движењата и гласот.Новинарот забележал дека Gemini користел и реалистични позадини, со верно реконструирани локации како паркот „Долорес“ во Сан Франциско, вклучувајќи палми, улици и облакодери во далечината.Сепак, AI видеата не биле без грешки. Во еден момент аватарот почнува да замуцкува, камерата ненадејно менува агол, а од неговата уста наместо нормално дување на свеќичка излегува чад.Токму комбинацијата од реалистичност и бизарност, според авторот, го направила искуството толку непријатно.Google тврди дека безбедноста е еден од главните приоритети при развојот на ваквите алатки и дека се воведуваат мерки против злоупотреби и deepfake содржини.Но, и покрај техничките ограничувања, Роџерс предупредува дека технологијата веќе е доволно убедлива за да отвори сериозни прашања околу приватноста, манипулациите и иднината на дигиталниот идентитет.„Не изгледаше како разубавена верзија од мене. Изгледаше како нешто многу почудно – AI копија која може да биде каде било и да прави што било, иако јас никогаш не сум бил таму“, напишал новинарот.Видеата погледнете ги тука

Магазин | пред 1 седмица

Google го претстави Gemini Intelligence: Вештачката интелигенција станува личен асистент

Google го претстави Gemini Intelligence – нов систем базиран на вештачка интелигенција кој ќе биде интегриран во Android и ChromeOS уредите и ќе функционира како личен дигитален асистент.Од компанијата соопштија дека системот комбинира напреден хардвер и софтвер со цел проактивно да им помага на корисниците во секојдневните задачи, притоа задржувајќи контрола врз приватноста и споделувањето на податоците.Gemini Intelligence ќе овозможи автоматизирани AI функции, како создавање кошничка за купување од листа со намирници, резервирање термини за тренинг и пополнување формулари со податоци од поврзани апликации.Сепак, корисниците и понатаму ќе мора да ги потврдат активностите пред системот да изврши конкретна задача, како на пример резервација на патување.За новата линија лаптопи Googlebooks, тимот на Google DeepMind развил алатка наречена Magic Pointer – функција базирана на движења на курсорот која прикажува контекстуални предлози преку Gemini технологијата.На пример, ако корисникот го помести курсорот над датум во електронска порака, системот може автоматски да предложи закажување состанок.Google најави и поголем фокус на виџети, кои ќе бидат достапни на Googlebooks и Wear OS уредите. Преку алатката Create My Widget, корисниците ќе можат со AI команди да создаваат персонализирани виџети со рецепти, патувања или информации од Gmail и Calendar.Компанијата тврди дека корисниците ќе имаат детална контрола врз Gemini Intelligence, со можност за исклучување одредени функции и избор кои податоци ќе бидат достапни за AI системот.Gemini Intelligence најпрво ќе биде достапен на најновите Samsung Galaxy и Google Pixel телефони, а имплементацијата ќе започне летово.Истовремено, „Гугл“ ја потврди и иницијативата Googlebooks – нова линија лаптопи која ќе биде тесно интегрирана со Android уредите.Првите Googlebooks лаптопи ќе ги произведуваат Acer, ASUS, Dell, HP и Lenovo, а на пазарот се очекуваат оваа есен.

Медиасет | пред 3 седмици

Новата опција на Gemini овозможува одговор веднаш, без чекање

Google започна со воведување на нова функционалност во својата апликација Gemini, со која значително се забрзува интеракцијата со вештачката интелигенција. Станува збор за копчето „Answer Now“, кое им овозможува на корисниците да добијат одговор веднаш, без да го чекаат процесот на подлабинска анализа на моделот.Корисниците на понапредните верзии на Gemini, како што се моделите Pro и Thinking, досега често забележуваа кратко задржување пред апликацијата да започне со генерирање текст. Во тој период системот анализира податоци, проверува факти и ја планира структурата на одговорот за да обезбеди поголема точност.Сепак, Google процени дека во одредени ситуации корисниците повеќе имаат потреба од брз, отколку од целосно разработен одговор. Токму затоа е воведена функцијата „Answer Now“. Додека Gemini го обработува прашањето, на екранот се појавува копче со кое корисникот може да го прекине процесот на анализа. Со негово притискање, вештачката интелигенција веднаш го прикажува одговорот врз основа на досега обработените информации.Оваа новина носи поголема контрола, бидејќи корисникот сам одлучува дали му е поважна брзината или максималната прецизност на одговорот.Функцијата „Answer Now“ постепено станува достапна на Android и iOS уредите, како и на веб-верзијата на сервисот Gemini.

Магазин | пред 4 месеци