Германија подготвува „активна сајбер-одбрана“ против хакерски напади
Германија најави планови за развој на „активна сајбер-одбрана“ како одговор на сè поголемиот број интернет-напади, од кои многу се засилени со употреба на вештачка интелигенција.Германскиот министер за внатрешни работи, Александар Добринт, изјави дека овој месец ќе биде претставен нов закон што ќе им овозможи на безбедносните служби да изведуваат контранапади врз сервери што се користат за хакерски напади.Според него, целта е „да се наруши и уништи инфраструктурата на напаѓачите“.„Оној што нè напаѓа преку сервери од странство, на пример, германска енергетска компанија, во иднина нема да може да ја користи таа инфраструктура“, изјави Добринт.Германското Министерство за внатрешни работи соопшти дека сајбер-криминалот и нападите врз компании, државни институции и критична инфраструктура предизвикале економска штета поголема од 200 милијарди евра минатата година.Само во 2025 година во Германија биле регистрирани околу 334.000 случаи на сајбер-криминал, при што две третини од нападите потекнувале од странство или од непознати локации.Забележан е и раст на ransomware нападите, како и на нападите за блокирање на интернет-услуги.Од германските власти предупредуваат дека алатките базирани на вештачка интелигенција им овозможуваат на хакерите побрзо и попрецизно да изведуваат напади.Добринт истакна дека значителен дел од заканите доаѓаат од Русија, особено по почетокот на војната во Украина во 2022 година.На опасноста предупреди и BaFin, германскиот финансиски регулатор, кој најави засилен надзор врз сајбер-ризиците во финансискиот сектор.
Свет | пред 2 седмици