Пецаков по историскиот успех на ГРК Охрид: Охрид синоќа беше вистинска бајка, европскиот пехар си дојде дома
Градоначалникот на Охрид, Кирил Пецаков, упати честитка до ракометарите на ГРК Охрид и до сите охриѓани по историската победа над унгарска Табабања со 31:25 и освојувањето на европскиот трофеј.Во објава на социјалните мрежи, Пецаков истакна дека Охрид доживеал незаборавна вечер исполнета со емоции, гордост и заедништво.„Синоќа Охрид беше вистинска бајка! Плоштадот блесна во боите на победата со најубавите емоции, гордост и заедништво“, напиша Пецаков.Тој нагласи дека охриѓани уште еднаш покажале колку силно стојат зад својот клуб и како се слават големите спортски успеси.„Охриѓани покажаа како се сака својот клуб и како се слават историски успеси. Заедно со нашите херои од ГРК Охрид го дочекавме европскиот пехар таму каде што припаѓа, во нашиот град, во градот на светлината“, порача градоначалникот.Пецаков им се заблагодари на сите граѓани кои присуствувале на прославата и биле дел од пречекот на ракометарите.„Од срце ви благодарам на сите што бевте дел од оваа незаборавна ноќ. Ова е победа за Охрид, победа за сите нас“, истакна Пецаков.ГРК Охрид испиша нова страница во клупската историја со триумфот над Табабања од Унгарија и освојувањето на европскиот куп, успех кој беше прославен со голема свеченост на градскиот плоштад.
Спорт | пред 10 часа