(Фото) Излета од патеката, но не се откажа: Иџе ја заврши трката со оштетено Ферари
Најдобриот македонски автомобилист, Игор Иџе Стефановски, доживеа незгода на денешната трка во Чешка, при што неговиот автомобил „Ферари“ претрпе оштетувања.По одличниот настап на тренинзите и лидерската позиција која ја имаше по вчерашните возења, Стефановски со големи очекувања ја започна денешната трка. Сепак, работите не се одвиваа според планот, откако трикратниот европски шампион излета од патеката и удри со својот автомобил.И покрај инцидентот, Иџе успеа да ја заврши трката, а неговиот тим веднаш започна со проценка на штетата и подготовка на возилото за следниот настап.„Завршивме прва трка, но со сериозно излетување и удар. Ако успееме да го приспособиме за втора трка, се гледаме на старт“, напиша Стефановски на социјалните мрежи.Сега останува неизвесно дали автомобилот ќе биде подготвен навреме за следната трка, но од тимот на македонскиот автомобилист ќе направат сè што е потребно за негово враќање на патеката.
Македонија | пред 7 часа