КАЊЕ ВЕСТ

Нова забрана за Кање Вест? Француските власти размислуваат за забрана на неговиот концерт

Министерот за внатрешни работи на Франција Лоран Нунез им наложи на своите служби да ја испитаат можноста за забрана на концертот на американскиот рапер Кање Вест, закажан за 11 јуни 2026 година во Марсеј.Оваа најава доаѓа откако најавата за концертот на Кање Вест на стадионот „Велодром“ во Марсеј предизвика огорченост кај повеќе политички личности, поради неговите контроверзни и антисемитски изјави во изминатите години.Организацијата на еврејската заедница во Франција (CRIF) во Марсеј, чија почесна претседателка е Фабијан Бендајан, исто така ги повика организаторите на концертот да се откажат од настапот на американскиот рапер.Една од последните контроверзии поврзани со раперот датира од мај 2025 година, кога на денот на 80-годишнината од поразот на нацистичка Германија во Втората светска војна, Кање Вест објави песна со наслов „Хајл Хитлер“.Во таа песна, раперот, кој уште во декември 2023 година изјави дека „ги сака нацистите“, се поистоветува со Адолф Хитлер.„Жалам за своите постапки“, изјави Кање Вест неколку месеци подоцна, тврдејќи дека не е „ниту нацист ниту антисемит“ и наведувајќи дека неговото однесување е последица на биполарно растројство.Поради овие негови ставови, му беше забранет и влез во Велика Британија, каде што требаше да учествува на музички фестивал.

Магазин | пред 6 дена

„Адидас“ го прекинува партнерството со Кање Вест

Германскиот производител на спортска опрема „Адидас“ денеска соопшти дека „веднаш“ го прекинува партнерството со Кање Вест, сега познат како Је, по антисемитските изјави на американскиот рапер во последните недели.– По темелно разгледување, компанијата одлучи веднаш да ја прекине соработката со Је, се вели во соопштението на групата.– Адидас не толерира антисемитизам или кој било друг вид говор на омраза, се додава во информацијата.Германскиот спортски бренд наведува дека неодамнешните коментари и постапки на Вест, кој официјално го смени своето име во Је, се „неприфатливи, полни со омраза и опасни и ги нарушуваат вредностите на компанијата за различност и инклузивност, меѓусебно почитување и правичност“.Германската компанија, исто така, денеска соопшти дека го „прекинува производството“ на брендот на раперот Yeezy.Раперот неодамна изјави дека Адидас нема да ја прекине соработката со него поради неговите коментари, по што следеа повиците за бојкот. Поради изјавите на Је реагираше и Лигата против клевета, која го повика Адидас да го прекине својот бизнис со Вест.Соработката на Адидас и американската ѕвезда долго време е меѓу најуспешните во светот на полето на модата. Колекцијата патики Yeezy, која се појави на пазарот во 2014 година, беше голем успех што го направи Кање Вест милијардер.Компанијата соопшти дека ќе прими „краткорочен“ удар од 250 милиони евра (217 милиони фунти) на својот приход за оваа година, поради одлуката за прекин на соработката.Поради антисемитските изјави на Је, објавени на социјални мрежи и во серија интервјуа, тој веќе е отстранет од Инстаграм и Твитер. Потегот на Адидас доаѓа откако Баленсијага, Гап и Џи Пи Морган Чејс ги прекинаа врските со Вест по повторените антисемитски забелешки. Долгогодишната агенција за таленти на раперот CAA престана да го застапува изминатиот месец, пишува Hollywood Reporter.Исто така, тој неодамна на модна ревизија во Париз се појави со маица со слоганот„ Животите на белците се важни“, кој го користи американската крајна десница и е своевиден против-слоган на „Животите на црнците се важни“, заради борба против расизмот.

Магазин | пред 3 години