КИМ КАРДАШИАН

Ќерката на Канје Вест објави рап-албум на 12 години

Дванаесетгодишната Норт Вест, ќерка на познатиот рапер Је (Канје Вест), го објави својот дебитантски албум насловен „N0rth4evr“, кој содржи шест рап-рок песни што таа самата ги напишала и продуцирала.Според Entertainment Weekly, на албумот се чувствува силно влијание од нејзиниот татко, особено во темите поврзани со богатство, луксуз и слава, како и елементи од емо-музичкиот стил. Во текстовите Норт се фали со автомобили, дизајнерски брендови и раскошен живот.Во воведната песна се користи семпл од песна на дуото Meg & Dia од 2006 година, додека во други нумери се појавуваат лични и емотивни теми, меѓу кои и чувство на осаменост и притисок од јавноста.И покрај нејзината возраст, Норт во повеќе песни користи изрази и теми слични на оние на нејзиниот татко, вклучувајќи и референци за мода и луксузни брендови. Таа веќе има и претходни јавни музички настапи, меѓу кои и изведби на модни ревии и концерти на Је.Нејзината мајка, Ким Кардашијан, јавно го поддржа проектот и сподели линкови за слушање и промоција на албумот преку социјалните мрежи.

Магазин | пред 3 седмици

Дизајнерка го тужи „Скимс“ на Ким Кардашијан за кражба на име

Мала њујоршка дизајнерка покрена правна битка против модниот бренд „Скимс“ на Ким Кардашијан, чија вредност се проценува на околу пет милијарди долари. Таа тврди дека компанијата го презела името на нејзиниот бренд и го претворила во успешна линија производи што носи стотици милиони приходи, објавува „Дејли мејл“.Во тужбата се наведува дека „Скимс“ ја лансирал колекцијата „Fits Everybody“ и покрај претходните предупредувања од помалиот бренд „Fits Everybody To A T“, кој тврди дека ги обезбедил правата на името години порано. Според документите поднесени пред суд во Њујорк, големата компанија била предупредена, но сепак продолжила со развој на линијата.Адвокатката на тужителката изјавила дека станува збор за класичен пример на „обратна забуна“, правна ситуација во која голема компанија го засенува помал бренд до степен што потрошувачите погрешно го поврзуваат оригиналот со копија. Таа додава дека клиентката својот бизнис го градела со години пред појавата на „Скимс“.Во тужбата се тврди дека брендот на Кардашијан користи големи финансиски ресурси и маркетинг-моќ за да доминира на пазарот, поради што бизнисот на тужителката станал речиси невидлив во интернет-пребарувањата.Спорот околу заштитниот знак трае подолго време, а Американската канцеларија за патенти и заштитни знаци веќе одбила една од пријавите на „Скимс“ поради можност за забуна со постоечкиот бренд.Тужителката бара обештетување, предавање на добивката од спорната линија, како и забрана за користење на името. „Скимс“ засега не се изјаснил за случајот, а компанијата побарала дополнително време за одговор пред судот.

Магазин | пред 3 седмици