КОРИДОРИ

Експерти од Македонија и Србија од „Државни патишта“ добиваат месечни хонорари од 13.000 до 25.000 евра за изградба на коридорите 8 и 10

Македонски и српски експерти добиваат месечни хонорари од 13.000 до 25.000 евра за нивниот ангажман во изградбата на автопатските делници на коридорите 8 и 10, што ги градат компаниите „Бехтел и Енка“. Ова го покажува истражувањето на Центарот за граѓански комуникации (ЦГК) во рамките на проектот „Јавен надзор над јавните набавки“.Истражувањето открива дека трошоците за изградба на автопатските делници продолжуваат да растат. Покрај договорите за изградба и надзор, во ноември 2025 година е склучен и договор за техничка експертска помош на вработените во Јавното претпријатие за државни патишта (ЈПДП) во вредност од 3,8 милиони евра. Договорот се базира на стара проектна програма, изготвена пред почетокот на градежните активности и откако веќе биле потрошени 381 милион евра.Ангажираните експерти, седум од Македонија и шест од Србија, ќе добиваат хонорари што варираат меѓу 13.000 и 23.000 евра месечно. Тим-лидерот за четири години ангажман ќе заработи 550.000 евра, додека осуммина други експерти ќе добијат поединечно меѓу 272.000 и 500.000 евра. Четворица експерти се ангажирани со помали договори, од 38.000 до 156.000 евра.ЦГК посочува дека ангажманот на 13 експерти ќе чини околу 950.000 евра годишно, што е еквивалентно на платите и надоместоците за 92 редовни вработени во претпријатието. Високите хонорари се значително повисоки и од цените што „Државни патишта“ ги плаќа за консултантски услуги од професорите од Градежниот факултет, кои земаат по 1.300 евра месечно.Експертите не се вработени во САФЕГЕ Скопје, туку имаат договори за деловно-техничка соработка со фирмата. ЦГК оценува дека ваквите енормни хонорари отвораат сериозни прашања за економичноста, оправданоста и ефективноста на трошењето на јавните средства во инфраструктурните проекти.

Македонија | пред 16 часа

Домазетот во владата Ковачевски и Груби ќе потрошат дополнителни 11 милиони за специјалисти со плата од 36.500 евра за надзор над коридорите, вели ВМРО-ДПМНЕ

Домазетот во владата Ковачевски и Груби ќе потрошат дополнителни 11 милиони за специјалисти со плата од 36.500 евра за надзор над коридорите, вели ВМРО-ДПМНЕ„Според деловите од договорот помеѓу изведувачот и владата кои до ВМРО-ДПМНЕ ги доставија свиркачи може да се заклучи дека ќе бидат исплатени дополнителни 11 милиони евра за ангажирање на најмалку пет специјалисти за надзор за период од пет години со месечна плата од 36.500 евра.Домазетот Ковачевски и Груби се обврзале дека изведувачот има право да ангажира специјалист или специјалисти во множина чии што број ќе биде договорен помеѓу изведувачот и Владата, кој што ќе имаат четири насоки на работа, создавање на спецификации за автопатите, создавање на студии за влијание врз животната средина, понатаму студии за влијание врз заштитеното богатство од УНЕСКО во Охридскиот регион, како и разгледување на спецификациите на автопатите.ВМРО-ДПМНЕ од сам почеток кажува дека изградбата нема да чини 1.3 милијарди. Првин власта се обврза на пенали од над 150 милиони евра, а сега секој ден излегуваат нови детали од договорот, со кој гледаме нови ставки кои ќе треба да бидат платени од буџетот.Дополнително на сето тоа, се става и сумата која ќе биде потрошена на покривање на експропријациите на недвижниот имот на трасата, што може да оди и до неколку стотина милиони евра.Домазетот во владата Ковачевски и Груби го прават грабежот на векот, и за тоа одговорност ќе има“, се вели во соопштението.

Македонија | пред 2 години