кожуф

Кривична пријава за местење на натпревар меѓу „Кожуф“ и „Башкими“, едно лице уапсено

МВР поднесе кривична пријава против седум лица поради местење на фудбалскиот натпревар помеѓу ФК „Кожуф“ и ФК „Башкими“, одигран на 6 мај 2025 во Гевгелија. Едно од пријавените лица е лишено од слобода и спроведено во ОЈО Гевгелија.Според истрагата, првопријавениот Б.Х., претседател на ФК „Башкими“, со цел клубот да избори пласман во Првата македонска лига или бараж, го намамил спортскиот директор на ФК „Кожуф“ П.Ѓ. да ги запостави интересите на својот клуб и на ФФМ. Преку посредник – фудбалерот А.Ј. – била договорена средба на која Б.Х. на П.Ѓ. му дал 10.000 евра како „подарок“ за да влијае врз исходот на натпреварот.По примањето на парите, П.Ѓ. преку тренерот С.Г. влијаел врз тројца фудбалери на „Кожуф“ – Б.К., Ј.П. и К.С. – кои прифатиле да не се залагаат максимално за време на мечот. Натпреварот завршил со резултат 1:2 во корист на „Башкими“, што им донело три бода и пласман на третото место во Втората лига, обезбедувајќи им место во баражот за Прва лига.Сите осомничени се товарат за кривични дела „измама“, „неовластено давање или примање подароци“ и „соизвршителство“ по Кривичниот законик.

Свет | пред 4 месеци

„Вленизација“ на Кожув: Алијансата за Албанците го обвинува Изет Меџити за молк пред еколошки масакар

Крилото на Алијансата за Албанците предводено од Арбен Таравари најостро реагираше на, како што го нарекоа, „невидено уништување на животната средина“ на планината Кожув, каде компанија во сопственост на Ѓоко Стерјоски – сопственик на мрежата на казина и обложувалници „Спортлајф“ – наводно сече илјадници квадратни метри шума заради приватни бизнис-интереси.Од Алијансата предупредуваат дека оваа активност сериозно го загрозува биодиверзитетот и еко-системот во регионот и ја поткопува квалитетот на животот на локалното население.Посебно остри критики упатија кон министерот за животна средина, Изет Меџити, кого го обвинија за молк и „неприфатливо однесување“.„Овој молк укажува на политичка и финансиска заробеност и го прави Меџити заложник на индустријата за игри на среќа, неспособен да преземе мерки за заштита на животната средина“, велат од партијата.Во реакцијата се вели дека ова прашање не е само еколошко, туку и социјално и национално, и се нагласува дека Кожув не е „приватна сопственост за бизнис-интереси, туку заедничко богатство што мора да се заштити од уништување“.Од Алијансата најавуваат дека во следните денови ќе објават нови податоци за поврзаноста на претставници на коалицијата ВЛЕН со индустријата на казина и ќе продолжат да ја следат темата со цел да се обезбеди институционална и политичка одговорност.

Македонија | пред 5 месеци

(Видео) „Да се тргнете од Дошница веднаш“, „сакаат да ги исечат вените на Кожуф“ - протест против мини хидроцентрала!

Со транспаренти, извици и јасни пораки за заштита на природата, денеска (29 јуни) се одржа мирен протест кај туристичката населба Смрдлива Вода, под планината Кожуф, против најавената изградба на мини хидроцентрала на реката Дошница.Протестот го организираа неколку граѓански здруженија и еколошки активисти, кои предупредија дека изградбата на хидроенергетски објекти во овој регион ќе има сериозни и трајни последици врз животната средина, водните ресурси и локалниот биодиверзитет.„Ова не е само борба за реката Дошница, туку за секој извор, поток и дрво што некој го гледа како профит, а не како живот“, порача еден од говорниците пред собраните граѓани.Организаторите обезбедија и бесплатен превоз за сите заинтересирани граѓани од Гевгелија, со поаѓање пред Градскиот театар во 9:45 часот, што резултираше со значителен одѕив.Присутните упатија апел до надлежните институции да ја преиспитаат најавената инвестиција и да ја стават заштитата на природата пред приватните интереси.Протестот помина мирно, а граѓанските здруженија најавија дека борбата за зачувување на Кожуф и неговите води ќе продолжи.

Македонија | пред 5 месеци