ЛАВ 14ТИ

Папата Лав XIV ги осуди терористичките напади во Сахел

Папата Лав XIV денес ги осуди неодамнешните терористички напади извршени од џихадистички групи во регионот Сахел, особено во Мали и Чад, каде што загинаа десетици луѓе.„Со загриженост ги примив информациите за зголемувањето на насилството во регионот Сахел, особено во Чад и Мали, како и за неодамнешните терористички напади“, изјави папата по молитвата „Регина Коели“ на плоштадот Свети Петар во Ватикан.Тој порача дека се моли за жртвите и изрази солидарност со сите што страдаат.„Се надевам дека сите форми на насилство ќе престанат и ги охрабрувам сите напори за мир и развој во овие сакани земји“, рече Лав XIV.Во петокот, во џихадистички напади во централниот дел на Мали беа убиени повеќе десетици луѓе, соопштија безбедносни и локални извори.Само неколку дена претходно, во истата област, напади за кои одговорност презеде џихадистичката група „Група за поддршка на исламот и муслиманите“ однесоа најмалку 30 жртви.Во Чад, пак, групата Боко Харам минатата недела уби најмалку 26 војници, по што властите прогласија 20-дневна вонредна состојба во регионот на Езерото Чад.

Свет | пред 3 часа

Папата пред 120.000 верници во Камерун повика на солидарност и промени

Околу 120.000 верници присуствувале на миса на папата Лав XIV во Дуала, Камерун, според податоците на Ватикан, што е значително помалку од проценките на камерунската влада, која очекувала околу еден милион луѓе.Мисата се одржала на стадионот Јапома во економскиот центар на земјата, каде верниците со часови чекале на високи температури да го дочекаат поглаварот на Католичката црква. Многумина носеле облека со негов лик и извикувале „Viva il Papa“ при неговото пристигнување со папамобил.Во својата проповед на француски јазик, папата ги повикал граѓаните да бидат „носители на иднината“ и да ги отфрлат сите форми на насилство и злоупотреби. Тој исто така упати остри пораки против корупцијата и експлоатацијата, повикувајќи на прекин на злоупотребите на африканскиот континент.За време на посетата, папата испрати и пораки за единство во Камерун, земја која се соочува со внатрешни конфликти, нагласувајќи дека светот го држат заедно солидарните луѓе, а не „неколку тирани“.По Камерун, папата Лав XIV ја продолжува својата турнеја низ Африка со посети на Ангола и Екваторијална Гвинеја.

Свет | пред 3 седмици

Советник на полскиот претседател: Трамп ја премина границата, ги навреди сите католици

Висок советник на полскиот претседател, Карол Навроцки, го обвини американскиот претседател Доналд Трамп дека ги навредил католиците, по неговите изјави упатени кон папата и објавата на социјалните мрежи во која се прикажува во религиозен контекст.Советникот Славомир Сенкјевич оцени дека објавите на Трамп претставуваат „пречекорување на сите граници“ и навреда за поглаварот на Католичката црква, а со тоа и за верниците.Тој нагласи дека ваквите пораки предизвикуваат политички и верски чувствителни реакции во Полска, една од најкатоличките земји во Европа.Контроверзата следува по претходни критики на Трамп кон папата Лав XIV, поврзани со неговиот став за американските воени акции и меѓународната политика.Иако полскиот претседател Навроцки досега не се изјаснил директно за последниот случај, неговиот политички табор е познат по блиските односи со Трамп и неговата администрација.

Свет | пред 3 седмици