МВР воведува кодекс за облекување, граѓаните ќе треба да внимаваат што носат кога подигнуваат документи
Министерството за внатрешни работи соопшти дека воведува Кодекс за облекување за сите вработени и граѓани кои ги посетуваат просториите на Одделот за граѓански работи.Од МВР велат дека мерката се воведува со цел одржување на професионалните стандарди, достоинството на институцијата и меѓусебната почит.„Како институција која е постојан сервис на граѓаните, веруваме дека соодветното облекување придонесува кон подобра работна атмосфера и почитување на државните институции“, соопштија од Министерството.Оттаму ги повикаа граѓаните кои доаѓаат за подигнување лични документи, пасоши или други административни услуги да внимаваат нивниот изглед да биде во рамки на општоприфатените норми за јавни институции.Воедно, МВР посочува дека и вработените во Одделот за граѓански работи се задолжени доследно да го почитуваат утврдениот кодекс за облекување што важи за вработените во Министерството.
Македонија | пред 3 часа