меган маркл

Нема фотографија

Хари и Меган во посета на Нигерија на покана на армијата со цел да ги рехабилитираат војниците

Британскиот принц Хари и Меган Маркл денеска пристигнаа во Нигерија како дел од промоцијата на „Непобедливите игри“, кои тој ги основа за рехабилитација на ранети и болни војници и ветерани.Хари и Меган првпат престојуваат во Нигерија, а во оваа африканска земја дојдоа на покана на армијата, изјави портпаролот на Министерството за одбрана, Тукур Гусо.Нигериската војска ги промовира „Непобедливите игри“ за да им помогне на илјадници војници кои се борат против исламистичката група Боко Харам од 2009 година.„Програмата за закрепнување им даде можност на војниците да ја подобрат својата самодоверба, да го подобрат своето ментално здравје и емоционалната интелигенција“, рече Абидеми Маркиз, директор за спорт во штабот за одбрана на Нигерија.Тој додаде дека 80 отсто од војниците кои учествувале во иницијативата на Хари покажале подобрување и дека овие ветерани сега имаат позитивен поглед на животот. Војводата и војвотката од Сасекс ќе се сретнат со ранетите војници и нивните семејства за да го зајакнат моралот и да придонесат за нивната благосостојба, соопштија нигериските власти.Тие ќе присуствуваат на натпревари во кошарка и одбојка и ќе се сретнат со локални невладини организации во Абуџа и Лагос. Меган исто така ќе биде домаќин на настан за жените во лидерство со Нгози Оконџо-Ивелала, генерален директор на Светската трговска организација, изјави нивниот портпарол Чарли Гипсон.

Магазин | пред 1 година

Нема фотографија

Биографиите на принцот Хари и Меган Маркл се отстранети од веб-страницата на кралското семејство

Индивидуалните биографии на принцот Хари и Меган Маркл се отстранети од официјалната веб-страница на кралското семејство.Откако им биле отстранети биографиите, на нивно место е пронајдена заедничка биографија, која сега е на самото дно на листата на членови на кралското семејство.„Како што беше најавено во јануари 2020 година, војводата и војвотката од Сасекс се повлекоа од кралските должности“, се вели во описот што се поврзува со нивната директна страница.Двојката се венча во капелата Виндзор на 19 мај 2018 година и сега се родители на две деца: принцот Арчи и принцезата Лилибет.Веб-страницата потоа продолжува да ги набројува достигнувањата на Хари, вклучително и неговите 10 години во вооружените сили и неговите напори во ко-основањето на добротворната организација Sentebale.Што се однесува до Маркл, во заедничката биографија се споменува нејзиното учество во серијата „Suits“ која имаше седум сезони и над 100 епизоди.

Магазин | пред 1 година

Нема фотографија

Од Кејт нема ни трага, а Меган Маркл го лансираше својот луксузен бренд

Меган Маркл на Инстаграм го лансираше луксузниот бренд за живот „American Riviera Orchard“. На нејзиниот нов проект, кој ги вклучува „сите работи што и се при срце“, војвотката од Сасекс работи повеќе од една година, но одбрала специфичен и по се изгледа сосема случаен момент кога ќе го објави на јавноста.Меган го откри новиот проект неколку часа пред принцот Хари и принцот Вилијам да се појават на наградата Diana Legacy во Научниот музеј во Лондон - каде што не гледаа очи во очи. Исто така, новиот проект се совпадна со лансирањето на ново шоу за готвење со Меган на Нетфликс, во кое таа ќе прави и продава свои производи. Ова вклучува прибор за јадење, ножеви, вилушки, лажици, шпорети и електронски шпорети, кафе, џемови и путери. Продажбата ќе биде проширена и во продавниците каде ќе се продаваат садови, чаши, џемови, покривки и садови за готвење.Во снимката што беше објавена, се гледа како Меган готви, а се гледаат женски раце како реди розови и бели цветови.Брендот ќе се фокусира на домот, градината, храната и производите за општ начин на живот.Коментарите се оневозможени на Инстаграм профилот на брендот, а профилот води до нова страница со исто име каде луѓето можат да ја внесат својата е-адреса.„Според мене, Сасексите не прават ништо случајно, а тајмингот е често суштински. Тие се непредвидливи со години, но беа предвидливи во една смисла, а тоа е дека кога станува збор за тајмингот, тие се непогрешливи. Тие не прават ништо случајно“, изјави Ричард Фицвилијам, кралски коментатор за Дејли Меил.Лансирањето на брендот на Меган дојде додека принцовите настапија на наградата Diana Legacy. Хари, кој живее во Калифорнија, им се обрати на победниците преку видео, откако Вилијам ја напушти церемонијата.

Магазин | пред 1 година

Нема фотографија

Отфрлена тужбата против Меган Маркл

Американскиот суд ја отфрли тужбата за клевета што ја поднесе нејзината полусестра Саманта против Меган Маркл.Саманта Маркл започна правна постапка против војвотката од Сасекс поради коментарите што Меган ги даде во интервју со Опра Винфри и во емисијата „Хари и Меган“ на Нетфликс.Судијата Шарлин Едвардс Ханивел од Флорида, која пресуди во корист на поранешната актерка, во одлука на 58 страници рече дека тужителот „не успеал да идентификува каква било изјава што би можела да го поддржи тврдењето за клевета“.Саманта Маркл исто така нема да може повторно да ја поднесе тужбата, бидејќи таа е трајно отфрлена, пренесува Sky News.Постарата сестра Маркл, која го дели истиот татко како Меган, рече дека коментарите на парот за време на интервјуто со Винфри во 2021 година биле „злонамерни лаги“.Војвотката и рекла на Опра Винфри дека пораснала како единствено дете, а исто така открила дека нејзината сестра го вратила своето моминско презиме откако Меган почнала да излегува со Хари.Судијата оцени дека изјавите на војвотката не може да бидат клеветнички бидејќи или мислењето е „суштински точно засновано на доказите забележани во судницата“, или тие мислења „не можат да се сметаат за клеветнички“.Саманта Маркл првпат поднесе тужба за клевета против нејзината помлада сестра во март 2022 година.Меган и Саманта наводно не разговарале со години, а по пресудата, адвокатот на војвотката изразил задоволство од одлуката на судот.

Магазин | пред 1 година

Нема фотографија

Меган Маркл откри низ што поминала за време на бременоста: „Бев цел на малтретирање и злоупотреба“

Војвотката од Сасекс, Меган Маркл, ја критикуваше, како што ја нарече, „навидум бескрајната токсичност“ на социјалните мрежи и рече дека била цел на „малтретирање и злоупотреба“ во форма на пораки со омраза на социјалните платформи додека била бремена со децата Арчи и Лилибет.Маркл беше главен говорник на панелот за Меѓународниот ден на жената што се одржа како дел од годишниот музички, медиумски и филмски фестивал во Остин, Тексас, јавува Би-Би-Си.Меган рече дека ја „заборавивме нашата хуманост“ во одредени делови од медиумската и дигиталната сфера и истакна дека и е вознемирувачко што жените, како што рече, шират омраза една кон друга на мрежите, додавајќи дека тоа е „неразбирливо“. на неа.Вчерашната конференција беше емитувана на YouTube, а повеќето коментари за презентацијата на Меган беа убедливо позитивни, необична јавна реакција на постапките на неа и нејзиниот сопруг принцот Хари откако го напуштија кралското семејство и открија приватни информации во интервјуто со Опра Винфри и во документарец на Нетфликс, според Би-Би-Си.Принцот Хари седеше во првиот ред за време на вчерашниот панел и ја бодреше својата сопруга.

Магазин | пред 1 година

Хари и Меган проговорија откако Чарлс ги остави без дом: „Тој ни даде две недели“

Меган и Хари потврдија дека кралот Чарлс ги избркал од кралската резиденција Фрогмор Котиџ во Виндзор, куќата на која им била адресата во Обединетото Кралство.„Можеме да потврдиме дека војводата и војвотката од Сасекс се замолени да ја напуштат својата резиденција во Фрогмор Котиџ“, изјави нивниот претставник за медиумите.Омид Скоби, еден од авторите на биографијата на Хари и Меган, „Наоѓајќи ја слободата“, рече дека одлуката на кралот уследи по објавувањето на Хари на неговите контроверзни мемоари „Спере“ во јануари. Тој тврди дека на парот им било кажано дека некој друг треба да живее во резиденцијата. Односите меѓу кралското семејство и Хари и Меган, додава Скоби, се полоши од кога било.Според британските медиуми, Хари и Меган се згрозени од одлуката на кралот. Наводно, им било кажано да ги отстранат своите работи од резиденцијата до лето, а првично им било кажано да ги соберат своите работи во рок од две недели.

Магазин | пред 2 години

Хари бара правда за Меган: „Сите треба да и се извинат“

Откако во мемоари од 400 страници раскажа голем број тајни на најблиските, принцот Хари бара од кралското семејство да и се извини на Меган Маркл. Хари не кажа зошто кралското семејство треба да и се извини на неговата сопруга.Хари вели дека ја зазел вистинската страна во војната меѓу нив двајца и Виндзорите. Принцот тврди дека јазот меѓу него, Меган и остатокот од кралското семејство не би го достигнал ова ниво доколку порано ги слушале неговите грижи.Хари само го обвини своето семејство за драмата.„Сето тоа можеше да се избегне. Но, тие едноставно не можеа да се воздржат“, вели Хари. Тој додаде дека неговото семејство го смета за параноичен. Принцот вели дека чувствува одговорност да ја реформира монархијата во интерес на неговите две мали деца.

Магазин | пред 3 години

Меган Маркл откри дали планира да се врати на актерството

Меган откри дека размислува којa од нејзините колешки би можелa да ја игра во идните филмски или телевизиски адаптации на кралското семејство.„Сето тоа е чудно“, рече таа за приказната што се појави на насловната страница на Верајети.„Треба да ги разделите тие работи. Секој што зборува за мене или избира актерка да ме игра, тоа ќе биде моја карикатура која е создадена за работата која на луѓето им носи многу пари“.Маркл добиваше мали улоги на телевизија и во филмови во раните 2000-ти, но конечно доби улога во американската серија „Suits“ на почетокот на 2011. Кон крајот на 2017 година се сврши со принцот Хари и се повлече од актерството.Нејзиното бурно искуство во светот на кралското семејство, што резултираше со тоа што таа и Хари станаа независни од семејството на почетокот на 2020 година, е зрело за адаптација на големиот екран. Маркл само се надева дека оној што ќе прифати да ја игра ќе ја разбере целата длабочина и слоеви на нејзината личност.Во моментов, Маркл и принцот Хари имаат богати договори со Нетфликс и Спотифај. Но, дали некогаш ќе помисли да се врати на актерството? „Не, завршив“, рече таа. „Никогаш не кажувај никогаш, но апсолутно немам намера“, заврши таа.

Магазин | пред 3 години

Меган Маркл ја откри вистината за Хари и принцот Чарлс, па се покаја: „Таа не го мислеше тоа“

Војвотката од Сасекс Меган Маркл во интервју за магазинот „The Cut“ отворено проговори за сите аспекти од нејзиниот живот, а меѓу другото спомена дека таа и Хари едвај чекале да ја напуштат Велика Британија и дека се среќни поради тоа.Ова интервју излезе непосредно пред заминувањето на Хари и Меган во Велика Британија и само неколку дена откако нејзиниот подкаст беше објавен на Spotify.Меган отворено зборуваше за својот живот во Калифорнија откако се повлече од кралските должности, нагласувајќи дека таа и Хари се среќни што ја напуштаат палатата.Меган истакна дека таа и Хари се подготвени да заминат во странство и да работат во име на кралското семејство, но сепак сакаат да заработат свои пари.„Со самиот факт што постоевме, ја нарушивме динамиката на хиерархијата, затоа рековме во ред, добро, да си одиме одовде. Ни беше мило“, вели таа.Маркл објасни дека финансиската слобода што таа и Хари ја бараа во тоа време не е „измислување топла вода“, туку нешто во кое уживаат неколку принцови, принцези и војводи.„Тоа беше нешто што не ни беше дозволено да го правиме, иако неколку други членови на семејството го правеа истото“, рече таа.Таа во интервјуто зборуваше и за збогувањето со сопственото, а потоа и со кралското семејство, велејќи дека е многу важно да се продолжи понатаму.„Мислам дека простувањето е многу важно. Потребна е многу повеќе енергија за да не се прости, но исто така треба многу труд за да се направи тоа. Навистина активно се трудев“, истакна таа.Таа додаде дека таа и Хари веќе се обидуваат да го научат синот Арчи на добри манири, а во оваа прилика откри и дека планира да се врати на социјалните мрежи.„Дали сакате да знаете некоја тајна? Се враќам... на Инстаграм“, рекла Маркл.Одлуката, истакнува таа, е донесена во светло на лансирањето на нејзиниот нов подкаст, „Archetypes“, кој пристигна на Spotify минатата недела.Сепак, во целото интервју најмногу внимание на јавноста привлече една нејзина, може да се каже непромислена изјава.„Хари ми рече 'Го изгубив татко ми во овој процес'“, објасни Маркл, мислејќи на принцот Чарлс и одлуката на парот да се повлече од кралскиот живот во јануари 2020 година.Сепак, нејзиниот неофицијален портпарол, новинарот и биограф Омид Скоби (кралски коментатор и биограф во Хари и Меган) вчера ги негираше тврдењата дека војвотката ја изговорила горната реченица во интервју за „The Cut“, инсистирајќи дека таа всушност мислела на нејзиниот татко.Според новинарката Алисон Дејвис, Меган Маркл навистина рекла дека Хари и се доверил за губењето на својот татко во тој процес, додавајќи:„За нив не мораше да биде исто како и за мене, но тоа е негова одлука“.Сепак, Скоби се огласи на Твитер за да инсистира дека имало недоразбирање и дека војвотката всушност мислела на нејзиниот татко Томас.„Се чини дека има конфузија во изјавите дадени во интервјуто за The Cut“, напиша тој. „Моето разбирање е дека принцот Хари всушност се осврнува на тоа дека Меган го изгубила сопствениот татко, а Меган вели дека не сака Хари да го изгуби неговиот“.https://twitter.com/scobie/status/1564280006712360960?ref_src=twsrc%5Etfw%7Ctwcamp%5Etweetembed%7Ctwterm%5E1564280006712360960%7Ctwgr%5E3f63da25ba7b435c55dabe539f97eae3ca2d45ba%7Ctwcon%5Es1_c10&ref_url=https%3A%2F%2Fwww.b92.net%2Fzivot%2Fvesti.php%3Fyyyy%3D2022mm%3D08dd%3D30nav_id%3D2204572

Магазин | пред 3 години

Маркл: Ме обвинија затоа што сум амбициозна

Меган Маркл откри дека била критикувана за нејзините амбиции кога ја започнала врската со принцот Хари, велејќи дека тоа било „страшна работа“.Таа додала дека кога била млада, амбициозноста ја мислела како позитивна особина, уште пред да наиде на „етикети“ и обичаи кои ги кочат жените.Во првиот од нејзините нови подкасти наречени Archetypes, објавени на Spotify, Меган изрази желба да ги истражи „ограничувањата што им се ставаат на жените“.Двојката донесе одлука да се повлече од кралските должности во 2020 година пред да се пресели во Калифорнија и да го даде сега светски познатото интервју на Опра Винфри.„Не се сеќавам дека лично чувствував негативна конотација зад зборот - амбициозно, додека не почнав да излегувам со мојот сегашен сопруг, а очигледно амбицијата е ужасна, страшна работа. За жените“, вели Меган Маркл.„Откако ја почувствував негативноста зад тоа, не можам а да не ја видам кај милиони девојки и жени“, додаде таа.Меган објасни дека сака да ги истражува стереотипите кои ги ограничуваат жените и дека сака да ги сподели своите искуства, како и искуствата на другите жени, со надеж дека нејзиното „сопствено искуство - ќе им помогне на другите жени да се отворат и да ги откријат можните нивоа на напредување“.Меган зборуваше и за тоа како на жените се гледа поинаку кога ќе станат мајки: „Постои двоен стандард помеѓу тоа како се третираат мажите и жените откако ќе имаат деца, и тоа е толку реално, што го почувствував тоа“.

Магазин | пред 3 години

Се откри кој е расистот од кралското семејство: „Му кажала на Хари дека неговото дете ќе има црвена афро фризура“

Принцот Хари и Меган Маркл зборуваа за расистичките коментари со кои се соочија пред раѓањето на нивниот син Арчи за прв пат во интервју со Опра Винфри во март минатата година. Не сакаа да го откријат името на личноста која ги дала расистичките коментари, бидејќи, како што тврдела Меган, тоа многу ќе и наштети на угледот, а сега е откриено за кој член на кралското семејство се работи.Новата книга на авторот Том Бауер го открива името со кое Меган не сакала да излезе во јавност.Авторот во својата книга „Одмазда: Меган, Хари и војната меѓу Виндзорите“, која го истражува наводниот „раздор“ меѓу војводата и војвотката од Сасекс и другите членови на монархијата, тврди дека тоа била Камила, војвотката од Корнвол и втора сопруга на принцот Чарлс, која имаше расистички коментари за нивниот тогаш нероден син Арчи и дека ја поттикнала осудата на целото кралско семејство.Според странските медиуми, втората сопруга на принцот Чарлс, Камила, наводно на Хари му рекла дека би било смешно неговото неродено дете да има „црвена афро фризура“ за време на разговорот што го имале со семејството во 2016 година. Откритијата на Бауер стигнаа и до Камила, а извори блиски до војвотката од Корнвол ги нарекоа тврдењата „тотална глупост“.

Магазин | пред 3 години