МЕЈЛ

Лажни СМС-пораки и мејлови демнат граѓани: Апел од МВР за зголемена внимателност, по над 50 пријави за интернет измами

Министерството за внатрешни работи ја информира јавноста дека во изминатиот период е забележано зголемување на фишинг напади, кои се изведуваат преку лажни СМС-пораки, електронска пошта, веб-страници и пораки на социјалните мрежи, со цел измама на граѓаните и злоупотреба на нивните лични и финансиски податоци.Од МВР посочуваат дека пораките најчесто се дизајнирани така што изгледаат како да доаѓаат од доверливи извори, како банки, државни институции или реномирани компании. Особено зачестени се лажните СМС-пораки за наводно пристигнати поштенски пратки, со кои примателите се наведуваат да кликнат на сомнителен линк или да внесат лични податоци на лажни интернет-страници, што може да резултира со дополнителни злоупотреби.Според податоците на Секторот за компјутерски криминал, во текот на изминатата година се евидентирани повеќе од 50 пријави поврзани со ваков вид интернет-измами, што, како што наведуваат од МВР, укажува на сериозноста и распространетоста на проблемот.Министерството апелира до граѓаните да бидат особено внимателни при користењето на интернет, да не отвораат сомнителни линкови и пораки и никогаш да не споделуваат чувствителни лични податоци, како броеви на банкарски картички, лозинки или лични идентификатори преку неовластени канали. Дополнително, се препорачува да се проверува адресата на испраќачот, бидејќи официјалните институции и компании користат службени домени, како и да се користи двофакторска автентикација како дополнителен слој на заштита на корисничките сметки.Од МВР информираат дека Секторот за компјутерски криминал и понатаму активно работи на истраги и презема мерки за откривање и санкционирање на сторителите на ваков вид измами, при што граѓаните се повикуваат секој сомнителен обид за измама да го пријават кај надлежните институции или во својата банка.

Македонија | пред 2 седмици

Џи-меил наскоро ќе овозможи промена на корисничката е-мејл адреса

Корисниците на Џи-меил наскоро би можеле да ја добијат надградбата по која одамна посакуваат. „Гугл“ изгледа подготвува голема промена, која за првпат ќе овозможи менување на корисничката е-мејл адреса. Досега, еднаш креираната @gmail.com адреса беше трајна, а секој што сакаше ново име мораше да отвори сосема нов кориснички профил — нешто што наскоро би можело да се промени.Оваа новина прва ја забележа редакцијата на порталот 9to5Google, која откри документ за поддршка што објаснува како ќе функционира системот. Клучната карактеристика е тоа што е-мејловите испратени на старата адреса автоматски ќе се пренасочуваат на новата. Ова ќе биде многу корисна надградба за сите кои го отвориле профилот во минатото и денес веќе не се задоволни од старото корисничко име или им се смениле животните околности.Како ќе функционира?Во документот за поддршка „Гугл“ ги појаснува деталите: „Е-мејл адресата поврзана со вашиот Гугл-профил е адресата што ја користите за најава на Гугл-услугите.“„Оваа е-мејл адреса им помага на вас и на другите да го идентификувате вашиот профил. Доколку сакате, можете да ја промените вашата е-мејл адреса на Гугл-профилот што завршува на gmail.com во нова е-мејл адреса што исто така завршува на gmail.com.“„Ќе примате пораки и на старата и на новата е-мејл адреса. Податоците зачувани на вашиот профил, вклучувајќи фотографии, пораки и е-мејлови испратени на вашата стара адреса, нема да бидат погодени.“Кога пристигнува надградбата?Засега нема официјални информации кога оваа нова опција ќе стане достапна за корисниците, ниту во кои региони прво ќе биде активирана. Интересно е што објавата на „Гугл“ моментално се појавува само во документ за поддршка на хинди јазик, што упатува на можноста корисниците во Индија први да ја добијат оваа функција. Се очекува „Гугл“ наскоро да објави повеќе детали, па затоа следете ги новостите доколку не сте задоволни од вашата сегашна е-мејл адреса и сакате да ја промените.

Магазин | пред 4 седмици