МИА

Почина новинарката Ирена Радовановиќ

По долго и тешко боледување, на 53-годишна возраст почина новинарката на МИА, Ирена Радовановиќ.Таа беше една од препознатливите фигури во македонското новинарство.Новинарската кариера ја започна во неделникот „Фокус“, по што продолжува во весникот „Вечер“ како новинар во внатрешно-политичката рубрика. Во 2024 година станува дел од редакцијата на „Нова Македонија“, а од 2006 и 2007 година на дневниот весник „Македонија денес“, неделникот „Денес“ во „Форум“, во весникот „Дневник“ и во Радио „Слободна Македонија“. Дел од тимот на новинската агенција МИА станува во 2014 година како новинар во внатрешно-политичката редакција и новинар-аналитичар.„Пријатели, познаници, колеги, роднини! На 8 мај 2026 година од овој земен свет замина нашата светлина, Ирена Радовановиќ! Погребот ќе биде на гробиштата во Радишани на 9 мај 2026 г. (сабота) во 11 часот. Го сакаше Господ, ги сакаше луѓето, го сакаше животот! За жал, прекратко. Нека ѝ е лесен и светол патот“, се прости семејството.„Со нејзиното заминување, МИА и македонското новинарство загубија посветен професионалец, кој трајно ќе остане запаметен“, се збогуваа со Ирена колегите од МИА.

Македонија | пред 9 часа

Државната агенција МИА доби нов директор

Десет месеци по промената на власта државната агенција МИА доби нов директор и претседател на Управниот одбор. Тоа е новинарот Дарко Јаневски, кој има работено во неделникот „Фокус“, во „Нова Македонија“, во „Вечер“. . Од 2018 до 2025 година е уредник на порталот „Денешен“.Јаневски работи како главен и одговорен урендик на дневниот весник „Дневник“ во периодот од 2013 до 2017 година. Од 2017 до 2018 година е уредник и водител на политичката ТВ емисија „Без ракавици“ на ТВ Алфа.Надзорниот одбор на денешната седница ја избра Пандорка Арсовска Гацова за член на Управниот одбор, задолжен за генерален сервис на вести. Арсовска Гацова е искусен долгогодишен новинар во МИА, која и претходно била член на Управниот одбор и уредник на Внатрешна редакција во периодот од 2006-2017 година.Надзорниот одбор на денешната седница го констатира престанокот на мандатот на досегашниот генерален директор и претседател на УО на МИА, Драган Антоновски.На седницата беше констатиран и престанокот на мандатот на членот на УО, задолжен за генерален сервис на вести, Ана Цветковска.

Македонија | пред 1 година