министер за транспорт

Можност за воведување на нови авиолинии, тема на средбата меѓу вицепремиерот Николоски и шведскиот амбасадор Солстром

Заменик претседателот на Владата и министер за транспорт Александар Николоски денеска оствари работна средба со новоименуваниот амбасадорот на Шведска, Ола Солстром.На средбата, вицепремиерот Николоски го запозна амбасадорот со владината програма во делот на капиталните проекти и вклученоста на Македонија во регионалните инфраструктурни проекти со што сe дава придонес во развој и промоција на регионалната соработка.Се разговараше и за можностите и услови за инвестирање што ги нуди Македонија и јакнење на економската соработка.Исто така, вицепремиерот Николоски ја отвори и темата за поквалитетна поврзаност меѓу двете земји и можностите за зголемување на авиолиниите меѓу Македонија и Шведска.На средбата беа потврдени добрите билатерални односи меѓу Македонија и Шведска кои традиционалнo се пријателски. Двајцата соговорници ја нагласија потребата од интензивирање на соработката во дејностите од заеднички интерес за двете земји.

Македонија | пред 3 месеци

Николоски: Интерконекторот активно се гради – рок од две години за алтернативен гасен извор

Изградбата на гасниот интерконектор е во тек и ќе обезбеди нов извор за снабдување со гас на домашните компании, изјави вицепремиерот Александар Николоски во интервју за ТВ Сител.Интерконекторот активно се гради. Стигнати сме северно од Неготино, а рокот за изградба е две години. Изведувач е македонска компанија, а со проектот отвораме алтернативно снабдување со гас, бидејќи моментално имаме само еден извор преку Бугарија. Планираме најмалку уште три нови извори на гас, што ќе овозможи подобро калкулирање со цената, истакна Николоски.Тој додаде дека Владата ја поддржува иницијативата за терминалот за течен гас во Александропули и е отворена за соработка со регионот.Не сакаме државата да биде зависна од снабдување со гас и енергенси од Русија. Целта е обезбедување сигурност преку повеќе извори и региони, потенцира вицепремиерот.

Македонија | пред 3 месеци