МИНИСТЕРСТВО

Повторно активен порталот за електронски услуги за граѓаните

Министерството за дигитална трансформација, како што се наведува во соопштението, ја информира јавноста дека Националниот портал за електронски услуги uslugi.gov.mk повторно е ставен во функција по завршување на техничките активности.Во соопштението на Министерството се наведува дека по реализираната техничка интервенција и надградба на системската опрема, повторно е овозможено нормално функционирање на порталот и непречен пристап до електронските услуги за граѓаните.Како што информира Министерството, сите услуги на платформата се повторно достапни, а системот е стабилизиран по извршените технички зафати.Министерството во соопштението им се заблагодарува на граѓаните за трпението и разбирањето за време на привремената недостапност на порталот, истакнувајќи дека останува посветено на унапредување на дигиталните услуги и нивна сигурна достапност.

Македонија | пред 2 седмици

Дел од услугите на uslugi.gov.mk привремено недостапни поради техничка надградба

Во соопштение на Министерството за дигитална трансформација се информира јавноста дека поради технички причини и тековни активности за надградба на системската опрема, дел од услугите на Националниот портал за електронски услуги uslugi.gov.mk се привремено недостапни.Како што се наведува во соопштението, надлежните служби активно работат на отстранување на техничките пречки и на повторно воспоставување на нормално функционирање на сите услуги, што се очекува да се случи во најскоро време.Во соопштението се додава дека граѓаните ќе бидат навремено информирани веднаш по целосното враќање на порталот во функција.Министерството за дигитална трансформација, како што стои во соопштението, им се заблагодарува на граѓаните за трпението и разбирањето во периодот на привремената недостапност на услугите.

Македонија | пред 2 седмици

Муцунски од Хаг: Стабилноста на Западен Балкан најлесно ќе се обезбеди преку европска интеграција на целиот регион

Од Хаг, во изјава за „Канал 5“, министерот за надворешни работи Тимчо Муцунски го коментираше однесувањето на официјална Софија во контекст на евроинтеграциите на државата и нагласи дека дијалогот останува единствениот пат кон стабилизација на Западен Балкан.„Жалам што актуелната бугарска влада, а и бугарските европратеници, со своето дејствување – она што го гледаме во Брисел – влегуваат во рускиот наратив за дестабилизација на регионот. Стабилноста на Западен Балкан најлесно ќе се обезбеди преку извесна европска интеграција на целиот регион“, истакна Муцунски.Тој потенцираше дека постапките на Бугарија во последните недели и месеци се дел од наратив чија цел е дестабилизација на Балканот.„Како можеме да ги надминеме предизвиците и да работиме за стабилизација на Западен Балкан? Секако – преку дијалог“, додаде Муцунски и изрази жалење што, според последните информации, средба на маргините на НАТО-самитот во Хаг веројатно нема да се одржи.„Јавно порачувам: Владата е подготвена за средби на секое ниво – претседател со претседател, премиер со премиер, министер со министер. Така и ќе продолжиме да се однесуваме“, нагласи министерот.Муцунски говореше и за очекувањата од самитот во Хаг, каде што фокусот ќе биде на случувањата помеѓу Русија и Украина, безбедносната состојба на Блискиот Исток и другите глобални безбедносни предизвици.„За да имате сериозни инвестиции во одвраќањето, вие морате да инвестирате прво во модернизација на армијата, во модернизација на различни капацитети – и инфраструктурни и во делот на сајберот – но исто така и во соодветна инвестиција во индустријализацијата. Тоа значи инвестирање во нови, домашни, наши македонски капацитети за производство. И во таа насока токму овие одлуки ќе ги поддржиме на овој самит и очекуваме консензус да се постигне веќе утре тука во Хаг“, заклучи Муцунски во изјавата.

Македонија | пред 10 месеци