муртезани

Сали и Хоџа во фотелјите на Меџити и Муртезани

Во Собранието пристигнаа предлогот за новите министри од Коалицијата Вреди, информираа од кабинетот на претседателот на законодавниот дом Африм Гаши.Новите министри треба да дојдат на местото на сега избраните градоначалници, Изет Меџити, кој беше прв вицепремиер и министер за животна средина и просторно планирање и на министерот за европски прашања Орхан Муртезани.Поранешниот владин портпарол Мухамед Хоџа е предложен за министер за екологија, а актуелниот пратеник и поранешен министер за здравство Беким Сали треба да го замени Орхан Муртезани, кој се очекува да биде разрешен на следната собраниска седница.За седницата за избор на нови министри нема пропишан рок во деловникот.Дали ќе има промена во ресорот здравство но и во други министерства ќе се знае по партискиот конгрес на ВМРО-ДПМНЕ, кој ќе се одржи на 6 декември во Кавадарци.

Македонија | пред 3 седмици

(Видео) Муртезани: Европскиот процес не е блокиран, туку билатерализиран – не се плашиме од барања, но да не станат блокади

Министерот за европски прашања, Орхан Муртезани, порача дека интеграцијата на Македонија во ЕУ не е замрзнат процес, иако е оптоварена со билатерални пречки. Според него, бугарското вето не го стопира целосно процесот, туку само го отежнува отворањето на преговорите.„Европската интеграција е жива и се движи во повеќе сегменти. Преку Планот за раст, граѓаните на Западен Балкан веќе имаат пристап до одредени бенефиции што досега беа резервирани за земјите членки“, изјави Муртезани.Тој нагласи дека Владата е подготвена да одговори на нови барања, но предупреди дека тие не смеат да бидат билатерални и да се претворат во нови блокади: „Не се плашиме од барања, но мора да бидат европски – а не национални ултиматуми.“

Македонија | пред 5 месеци

И на нас ни е од почеток јасно дека нема начин како да се избегнат уставните измени, но тие да бидат последен билатерален услов, вели Муртезани

Министерот за европски прашања, Орхан Муртезани, за пораките испратени од Европската Унија, вели дека им е јасно дека нема начин како да се избегнат уставните измени и вметнувањето на Бугарите.Тој вели: „Наша одговорност е тие уставни измени да бидат последниот билатерален услов. Нема проблем ако сите земји членки имаат дополнителни барања, но да бидат за европски стандарди, а не да содржат билатерални прашања.„Нашето инсистирање не е на еден предлог, туку да нема билатеризирање на преговорите. За да се случат разговорите, мора да градиме меѓусебна доверба со Бугарија и да веруваме во ЕУ“, рече Муртезани.

Македонија | пред 7 месеци

И други пратеници ќе го напуштат Таравари, најавува Муртезани

Министерот за Европски прашања, Орхан Муртезани, смета дека трендот, пратеници да го напуштаат крилото на Арбен Таравари, ќе продолжи.„Според нашите неофицијални информации, ќе продолжи. Револтот таму е голем. Трендот ќе продолжи“, рече Муртезани.

Македонија | пред 7 месеци

Орхан Муртезани ќе нѐ внесува во ЕУ

Министерот за европски прашања, Орхан Муртезани е назначен за главен преговарач со Европската Унија за членство на Република Македонија во овој блок.Назначувањето се случило на владина седница одржана денеска (17 септември).„Привилегија е да работам за европската иднина и стандард на живеење на моите сограѓани рамо до рамо со нашите стратешки партнери. Задачата ја земам со голема одговорност и чест. Патот може да ни е долг, но дестинацијата ни е конечна. Ние сме ЕУ“, порача Муртезани преку Фејсбук по назначувањето.Според тоа што стои во неговата официјална биографија тој завршил додипломски студии на Економскиот факултет при Универзитетот „Кирил и Методиј“ во периодот од 2004 до 2009 година.Постдипломски студии завршил на Универзитетот Мармара во Истанбул, Турција, во периодот од 2012 до 2014 година.Тој е поранешен генерален директор и претседател на Управниот одбор на државната МЕПСО, во периодот од 2021 до 2023 година.Муртезани е и соосновач и директор на Оки транс логистикс ДОО во периодот од 2020 до 2021 година.Бил и генерален директор и претседател на Управниот одбор на Македонски железници – транспорт, во периодот од 2019 до 2020 година.Од 2015 до 2017 година бил директор на Центарот за демократија и развој.

Македонија | пред 1 година

Муртезани за Реформска агенда 2024-2027: Владата од првиот ден посветено работи на зададените обврски фокусирајќи се на клучните проекти

„Би се надоврзал на делот за преземените обврски во светло на сега веќе усвоената Нацрт-Реформска агенда 2024-2027 (која што ќе остане како нацрт сѐ до финалното усвојување и од страна на ЕК).Преземајќи ги најголем дел од приоритетите кои нашите институции ги воделе со Европската комисија, јас заедно со тимот од стручните служби во Министерството за европски прашања, Министерството за финансии и сите надлежни министерства, се разбира и самата Влада, од првиот ден посветено работевме на зададените обврски, фокусирајќи се на клучните проекти, а чие успешно исполнување го сметам за едно од најважните постигнувања во првите 100 дена од мандатот на оваа Влада.Според информацијата проследена од Европската комисија, според формулата од Регулативата за инструментот за реформи и раст, усвоена од страна на Европскиот парламент и Советот на ЕУ, како што нагласи претходно Премиерот, Северна Македонија треба да добие 750,4 милиони евра за периодот 2024-2027 година. Овие средства ќе бидат условени со реализација на конкретни квалитативни и квантитативни чекори поврзани со мерките за планираните реформи. Или со други зборови, а со заокружени бројки, 250 милиони евра ќе се добијат како грант или неповратни средства за инвестициски проекти, додека 500 милиони евра ќе се обезбедат преку заем со исклучително поволни услови (почеток на отплата од 2034 година, со до 40 години рок за отплата и поволна каматна стапка), од кои 250 милиони евра за реализација на реформите (буџетска поддршка) и преостанатите 250 милиони ќе бидат алоцирани за инвестициски проекти.Премиерот се осврна на содржината и столбовите на Планот за раст и реформската агенда, јас нема да должам многу само ќе се осврнам конкретно на предвидените реформи.Конкретно, ќе работиме на зајакнување на јавната внатрешна финансиска контрола, зајакнување на системот за јавни набавки, декарбонизација и обновливи извори на енергија, (соларна и ветерници), усвојување на систем за трговија со емисии на гас, енергетска ефикасност и справување со загадувањето на воздухот. Тука спаѓа и развојот на образованието и вештини преку реформи на средното стручно образование, како и реформа на државните и јавните претпријатија, особено во поштенскиот и железничкиот сообраќај, вклучително и воведување на интелигентен транспортен систем, зголемување на е-услугите во царинското работење, подобрување на деловната средина преку зајакнување на инспекторатите и зголемување на инспекциските надзори, поддршка за работа на малите и средни претпријатија. Во делот на Владеење на правото - развој на демократијата преку реформа на изборното законодавство, зајакнување на независноста, квалитетот и интегритетот на правосудството, борба против корупцијата и организираниот криминал, донесување на нов Кривичен законик и Закон за кривична постапка согласно стандардите на ЕУ и други приоритети кои во интерес на времето не би ги набројувал детално.Надоврзувајќи се на мојата претходна прес-конференција кога се осврнав на неискористените ИПА фондови, зборував за потребата од јакнењето на капацитетот и политика за задржување на кадарот во структурите за имплементирање. Во тој контекст во функција на имплементирање на реформската агенда, ќе биде направена анализа за евентуална потреба од создавање на дополнителна структура или користење на постојната (со нејзино зајакнување или проширување), а која што ќе има за цел со сите ресурси и капацитети да обезбеди економска стабилност, одржлив раст и подобар квалитет на живот за сите граѓани.“, вели Орхан Муртезани.

Македонија | пред 1 година

Најчевска за изјавата на Муртезани: Ваков тип никогаш не смее да стане дел од власта на држава која не ја прифаќа како своја

Орхан Муртезани од албанската партија „Алтернатива“ порача дека ако има некој Македонец кој верува дека Албанците некогаш некаде ќе ја отпеат „Денес над Македонија се раѓа“, тој има сериозни проблеми со перцепцијата на реалноста.„Додека оваа држава не ја разбира мултиетничката реалност – туку инсистира на моноетнички македонски државни симболи, тоа никогаш нема да се случи“, рече Муртезани.На оваа изјава реагираше професорката Мирјана Најчевска.„Прво, во Македонија не живеат Албанци туку граѓани на Македонија кои припаѓаат на албанската етничка заедница, односно се по потекло етнички Албанци.Второ, секој од тие граѓани кои припаѓаат на албанската етничка заедница кога станал функционер ја пеел химната на државата чиј државјанин е.Трето, ова треба да се процесира како говор на омраза и како акт на поттикнување етнички базирано непријателство.Четврто, ваков тип никогаш не смее да стане дел од власта на држава која не ја прифаќа како своја.Петто, следниот чекор е повикување на насилно уривање на уставниот поредок?И шесто, јас лично овој тип не би го третирала со преголема сериозност. Едноставно тој е дел од оние кои едноставно немаат ништо паметно да понудат на граѓаните на Македонија и се обидуваат сопствената безидејност да ја замаскираат со националистичко пакување“, вели Најчевска.

Коментари | пред 2 години