НИКОЛ КИДМАН

Никол Кидман итно заврши во болница: ѝ се слошило на снимање по тешка сцена во ринг

Австралиската актерка Никол Кидман била итно хоспитализирана откако ѝ се слошило за време на снимање на серијата Margo’s Got Money Troubles, во која има физички многу напорни сцени поврзани со професионално борење.Според сведочењето на нејзиниот колега Ник Оферман, снимањето на клучната сцена се одвивало на 22 април, кога екипата подготвувала комплексна кореографија во ринг, со каскадери и тренинг-тим. Тој раскажал дека утрото пристигнала информација дека Кидман има грип и дека постои можност воопшто да не дојде на снимањето, што би ја довело во прашање целата продукциска агенда за тој ден.„Беше толку бледа и се тресеше. Имаше навистина тежок грип“, ја опишал Оферман, нагласувајќи дека сепак дошла на сет и ја завршила обврската.Во серијата Кидман ја толкува Лејс, професионална борачка, додека Оферман го игра нејзиниот противник Џинкс, па за снимањето биле потребни реални физички движења и контакти, внимателно координирани со тимот. По завршувањето на сцената, актерката, според неговите зборови, била веднаш пренесена во болница, каде што примила инфузија.„Вака се станува Никол Кидман — така што се појавуваш за твојата серија да не изгуби ни минута од твојата вредност“, изјавил Оферман, додавајќи дека гестот бил „неверојатен“ и „великодушен“.Во истиот контекст се наведува и дека Кидман претходно изјавила оти имала страв да не се повреди при влегувањето во ринг, но дека, кога еднаш ќе почне со задача, целосно се фокусира на изведбата и настојува да биде максимално внимателна.

Магазин | пред 1 месец

(Видео) Трилер од 2005. стана хит на Нетфликс: Никол Кидман и Шон Пен во главните улоги

Иако премиерно беше прикажан уште во 2005 година, филмот „The Interpreter“ овие денови повторно ја освојува публиката – моментално се наоѓа меѓу десетте најгледани наслови на Нетфликс.Станува збор за политички трилер кој гради тензија преку атмосфера, дијалог и психолошка игра меѓу ликовите. Приказната комбинира лични судбини со глобални политички интриги, создавајќи напната и неизвесна приказна која држи внимание до самиот крај.Заплетот ја следи Силвија Брум, преведувачка во Обединетите нации, која ја толкува Никол Кидман. Таа случајно слуша разговор кој укажува на план за атентат врз африкански лидер кој треба да се обрати во Њујорк.Од тој момент, нејзиниот живот се менува од корен – таа станува клучен сведок, но и потенцијална мета.Во приказната се вклучува и агентот на Тајната служба Тобин Келер, кого го игра Шон Пен. Неговата задача е да ја процени заканата и да ја заштити Силвија, но набрзо почнува да се сомнева во нејзините намери, бидејќи нејзиното минато крие тајни кои можат да ја променат истрагата.Како што се приближува пристигнувањето на претседателот и потенцијалниот напад, тензијата расте, а границата меѓу вистината и манипулацијата станува сè понејасна.Покрај главните улоги, во филмот се појавуваат и Кетрин Кинер, Јеспер Кристенсен, Иван Атал и Ерл Камерон.Филмот го режираше Сидни Полак, на кого ова му беше и последен игран проект. Неговиот препознатлив стил носи побавно, но внимателно градење на напнатост, со фокус на ликовите и политичката позадина на приказната.

Магазин | пред 1 месец

Никол Кидман откри зошто ја прифатила улогата во Бетмен

Никол Кидман во новото интервју за „L'Officiel“ откри дека парите не и се најважни кога глуми во големи холивудски продукции, пишува Variety.Со оглед на тоа што оскаровката често е пофалена за нејзината работа во драми, многу фанови се прашуваат зошто воопшто се согласува на блокбастери како Аквамен и Бетмен.„Сите ме прашуваат „Зошто го правиш ова““, рече Кидман дека ја прашале кога се согласила да го глуми доктор Чејс Меридијан во Бетмен засекогаш.Нејзиниот одговор беше:„Затоа што можам да го бакнам Бетмен“. Она што луѓето не го разбираат е дека не се работи за пари, се надевам дека многу мејнстрим блокбастери во кои глумам се различни“, рече Никол.Истите прашања ја дочекаа и кога ја прифати улогата на кралицата Атлана во Аквамен и неговото продолжение.Актерката не ги читала стриповите на Аквамен, но затоа е голем обожавател на режисерот Џејмс Ван и неговите хорор филмови. Кога Ван и се јавил, била воодушевена бидејќи мислела дека ќе глуми во неговиот хорор филм, но потоа дознала дека се работи за филм за суперхерои.„Навистина сакав да работам со него на хорор филм“, изјави Кидман.Покрај филмовите, Никол Кидман во последните години почна да работи и на телевизиски серии.

Магазин | пред 1 година

(ФОТО) Реакции под фотографиите на Никол Кидман: „Скандалозно, што поддржуваш“

Луксузниот бренд Balenciaga ја претстави кампањата за пролет 2023, секако истакнувајќи ја својата модна линија, но и Никол Кидман како најново лице.Обележувајќи нова ера во понудата за конфекцијата за носење на Balenciaga, кампањата го „фрла“ акцентот на јакните, фустаните, панталоните, комбинирајќи возвишени кроеви со остри завршетоци.Во работна средина, Кидман на едната слика позира во кожен крок капут, додека на друга седи во фустан со реси. Кампањата предизвика буквален бес на мрежите и многумина ја критикуваа.Имено, поради рекламата на Баленсијага во која децата држат плишани животни облечени во синџири и кожни ремени, мрежите горат. Многумина се прашуваат како актерката, но и останатите учесници во кампањата, не реагирале поради сето тоа.https://twitter.com/thisissavvy1/status/1594541543209472000?ref_src=twsrc%5Etfw%7Ctwcamp%5Etweetembed%7Ctwterm%5E1594541543209472000%7Ctwgr%5Eaecee342181bc5fa91662e431fc5971df8bba188%7Ctwcon%5Es1_c10&ref_url=https%3A%2F%2Fsuperzena.b92.net%2Fmoda.php%3Fyyyy%3D2022mm%3D11nav_id%3D2246301На нејзиниот профил ретко кој се осврна на самиот моден потфат, па повеќето и пишаа и прашаа „што поддржува“:„Не, Balenciaga! Зарем не слушнала за најновите фотографии со детето?“, „Многу сум изненадена што досега не сте ги замолиле да ви ги повлечат сликите, бидејќи тие очигледно ја туркаат сексуализацијата со децата во нивниот последен маркетинг“, стои во коментарите под фотографијата.

Магазин | пред 3 години