НИСАН

Новиот Nissan GT-R R36 ќе биде хибрид, а не целосно електричен

Nissan потврди дека легендарниот GT-R ќе добие наследник, но компанијата засега не планира целосно електрична верзија на спортскиот модел.По завршувањето на производството на моделот R35 минатата година, многумина се прашуваа каков ќе биде новиот R36 GT-R. Извршниот директор на Nissan, Иван Еспиноса, порача дека GT-R останува еден од најважните модели на брендот и дека наследникот сигурно пристигнува.Сепак, од компанијата признаваат дека новиот GT-R ќе мора да биде делумно електрифициран поради строгите еколошки регулативи.Според најавите, најреална опција е хибриден погон со V6 мотор, бидејќи Nissan веќе работи на таква технологија. Во компанијата сметаат дека батериите сè уште претставуваат ограничување за автомобил од ваков тип, па затоа засега не се подготвени целосно да преминат на електричен GT-R.Одлуката доаѓа во период кога дел од автомобилските производители ги ублажуваат своите планови за електрични возила, особено на американскиот пазар.Производството на R35 GT-R траеше од 2007 до август 2025 година, а моделот со текот на времето стекна култен статус меѓу љубителите на спортските автомобили.

Магазин | пред 2 часа

(Фото) По 18 години пронајден автомобилот на Пол Вокер од вториот дел на „Fast & Furious“

Легендарниот Nissan Skyline R34 GT-R кој го возеше Пол Вокер во филмот „2 Fast 2 Furious“ повторно е пронајден по речиси две децении.Автомобилот бил 18 години скриен од очите на јавноста, а целиот период бил сокриен во дневната соба на една куќа во Норвешка, каде сопственикот го чувал како вид експонат.Години наназад, овој Nissan бил надвор од радарот на колекционерите, па дури се верувало дека е изгубен. Се покажало дека приватниот сопственик го чувал како „свет предмет“, паркиран меѓу мебелот.Компанијата ChromeCars успеала да го пронајде и откупи дури по пет години преговори, по цена која се проценува на повеќе милиони евра.Станува збор за главниот автомобил од филмот, еден од вкупно шест користени примероци, и веројатно единствениот кој останал целосно сочуван во оригинална состојба. Поради тоа има огромно значење за историјата на франшизата „The Fast and the Furious“ и за автомобилската култура воопшто, пренесува австралискиот портал 7news.Автентичноста на возилото ја потврдил експертот Крег Либерман, кој учествувал во создавањето на автомобилите за раните филмови од серијалот.Да потсетиме, актерот Пол Вокер загина на 30 ноември 2013 година, на 40-годишна возраст, додека со пријателите и финансискиот советник Роџер Родас тој ден, попладне, се возел со Porsche во местото Санта Кларита, во Јужна Калифорнија.Роџер, кој бил возач, изгубил контрола над автомобилот, кој потоа удрил во електричен столб, по што автомобилот експлодирал.

Магазин | пред 1 месец